| |
|
|
|
|
|
||||||
|
|
أدوات الموضوع | انواع عرض الموضوع |
|
#1
06 - 01 - 2017, 07:37 AM
|
||||
|
||||
|
ليه بنقول أسرارنا لناس غريبة ؟؟؟ كنت مسافر علي الطيارة و فجأه لاقيت نفسك بتحكي مع واحد أول مرة تشوفه في حاجات شخصية اوي في حياتك !! كنتي في انترفيو شغل و فجاه لاقتي نفسك بتتكلمي مع واحدة جنبك مفيش اي صلة معرفة تربطك معاها في مواضيع سرية جدا !! بس ليه ؟؟ الكاتب Ronald E Riggio بيقول ان في كذا سبب للموضوع ده , منهم الـ .False Intimacy Triggers و هو أن الانسان ساعات بيحس ان الاشخاص اللي قريبين منه في المسافة قريبين منه في التعاملات ! فمثلا اللي قاعد جنبك ده من غير ما تاخد بالك عقلك بيبتدي بتعامل معاه كانه حد عزيز عليك او تعرفه من زمان .. ففي اللاوعي تلاقي نفسك بتفضفض و تحكي معاه .. و السبب في كدة ان العقل مش بيحب يحس بغرابة في اي موقف , فليه افضل متوتر و قلقان من اللي حواليا لما ممكن اوهم نفسي انهم اصحابي و اكسر القلق ده بالكلام الشخصي ده .. سبب تاني و هو الـ Norm of Reciprocity , فالموضوع بيبتدي لما الشخص الغريب يبتدي يحكي لنا اي حاجة في حياته فعقلنا يحس بالزام ليه انه المفروض يرد عليه بحاجة شخصية من حياتنا الشخصية , فالموضوع يفضل عامل زي الدايره هو يقول سر و احنا نقول سر لغاية ما في اخر المناقسة نتفضح احنا الاتنين :D سبب تالت و هو Similarity Bias , هنا القرب مش ظروف أنما حالة , فمثلا انتا رايح بني سويف بالقطر المميز الغالي بتاع الناس الاغنيا فاكيد اللي جنبك برضة "ناس اغنيا " زيك .. انتي رايحة تقدمي في شغل بائس زي خدمة عملا في شركة تي اي داتا فاكيد اللي جنبك بتمر بنفس الحالة البائسة ديه ,, فهنا بنحس ان الناس ديه قريبين مننا و نبتدي نحكي ... في النهاية , محدش عمره ما حكاش مع حد غريب في حاجة شخصية ليه , و السبب مكانش انه شخصية تافهه او هراية أنما ديه طبيعة انسانية جوانا , فلما تقولي لواحد اول مرة تشوفيه عنوان بيتكوا و مكان الدهب بتاعك و بيتك يتسرق و جوزك يطلقك بتبقي مش غلطانه انما ده عادي :D و انت برضو لما تقول لواحدة اول مرة تشوفها عنوان بيتكوا و مكان دهب مراتك و تيجي عندك البيت و مراتك تقفشك و برضة تطلقها تبقي مش غلطان انما ديه طبيعتك :D ... فالانسان بطبعه كائن بيحب الهري و اللت و العجن , بس الذكاء انه يختار الشخص الصح اللي يهري و يعجن معاه .. فاستنضفوا مع اللي تهروا معاهم .. 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| يوجد على الأرض أناس أولون ويوجد أيضًا أناس آخرون | Mary Naeem | أقوال الأباء وكلمة منفعة | 0 | 01 - 09 - 2023 04:16 PM |
| كلمه مُريحه لناس ومُخيفه لناس | walaa farouk | موسوعة توبيكات مميزة | 0 | 17 - 09 - 2022 01:16 AM |
| كيف يعرف الممسوسون أسرارنا؟ لماذا لا يرون الخطايا التي اعترفنا بها؟ | Mary Naeem | أسئلة وأجوبة مسيحية ومتنوعة | 2 | 03 - 06 - 2014 06:57 AM |
| تعلمت أنه هناك أناس يسبحون في إتجاه السفينة وهناك أناس يضيعون وقتهم في إنتظارها | Mary Naeem | موسوعة توبيكات مميزة | 0 | 16 - 10 - 2013 08:39 PM |
| عظة أسرارنا وعقائدنا فى الكنيسة لأبونا بيشوى كامل | concord | العظات المسموعة | 2 | 01 - 10 - 2012 01:34 PM |
العرض الشجري