الـ honeymoon phase ( مرحلة شهر العسل )

[Rena Jesus]

" ..لأني امتَلَكتُكْ .. أراني مَللتُكْ .. فما عُدتِ حُبًا جديدًا عليَّ " ...
عبدالعزيز جويدة

في العلاقات العاطفية فيه مصطلح مشهور اوي و هو
الـ honeymoon phase ( مرحلة شهر العسل )
و اللي بيوصف اول فترة في اي علاقة ,
و هي فترة الحب و الغزل و الاهتمام الزيادة و اللي بيخلص مع اول شهر او بالكتير شهرين ,
لما الطرفين خلاص يكتشفوا بعض بشكل مفرط و كل واحد يوصل لقناعة شبة اساسية ان خلاص الطرف التاني بقي بتاعه و مش حيبعد عنه ..
فضمنيا كل واحد أمتلك تاني .. خلاص جاب اخره , فيحصل الملل ! ..

عبارة زي " I want to be yours
" تعتبر من اشهر العبارات اللي بتتقال في المواقف الرومانسية و الصراحة محدش يقدر ينكر مدي الوفاء و العشق اللي فيها ,
بس المؤسف ان ساعات الطبيعة البشرية مش بتقدر " yours " ديه ...
و اللي ساعات كتير أول ما تحصل علطول تخلص مرحلة شهر العسل ديه ,

حيبقي كلام مش منطقي لو ان الحل هو أننا نكون داخلين اي علاقة عاطفية و احنا متكتفين او زانقين علي نفسنا اوي ,
عمالين نتصنع تقل مش بتاعنا عشان منوقعش في حفرة الـ " yours " ديه ,
عمالين نرسم دواير من الغموض و الخبايا حوالينا عشان محدش يعرف مفاتيحنا و يوصل لقلبنا فيمتكله او يوصل لفكرنا فيسطر عليه ..
فمش الحل ابدا عشان نفضل مستمرين في فترة شهر العسل ديه نفضل نبعد في الوقت اللي المفروض نقرب فيه ...
أنما زي ما قال أريك فروم أن الحب فن ,
الفكرة كلها في ذكاء التعامل مع الحب ....

فاولا . نقطة الذوبان اللي بتحصل في اي علاقة مينفعش ابدا تلغي شخصية او جوهر اي طرف أنما كل واحد كيان قايم بذاته ناضج و مستقل مينفش يخلي حد يتملكه او يحركه ضد طموحاته و احلامه ...

تاني حاجة فكرة التملك نفسها مفهاش اي نوع من تطوير أو التقدم ..
أنما الطرف كل مهتمه يستحوذ علي الطرف التاني و هنا المشكلة في اللي عاوز يستحوذ انه كائن اناني مفكرش حتي يحسن من اللي معاه انما عاوز يضيفة لمحصلة ممتلكاته ,,
و مشكلة برضة في الجماد اللي سمح ان حد يمتلكه !

فمش معني اني بأحب اني ابقي تابع لحد .
حتي و لو حبي ليه كان مدي الحياة بس مفيش اي قوة علي الارض بتكرس لفكرة تسليم الذات بشكل خانع و مهين زي فكرة التملك ! ...

أخر حاجة و هي ان العلاقة الحيه عمرها ما ينفع يكون فيها تملك او ملل ..
فكل لحظة فيه فكرة جديدة ,
فيه احاسيس مختلفه , فية نبضات و تنفس طالع من جسم العلاقة ديه ,
فهي اقوي من اي تملك و ملل ! ...

في النهاية , بالرغم من لعبكة الموضوع و تعقيده إلا أن الشرط اساسي للقضاء علي الملل في اي علاقة هو تجنب فكرة التملك من الطرفين ,
الطرف اللي عاوز يتملك و الطرف اللي سامح بكدة ..
و اللي لا يمكن يتم إلا بطرفين علي قدر كافي من وعي و الذكاء ..
و عشان كدة مفيش اخطر من الجهل و الغباء عشان يقتل اي علاقة و يشوه اي حب ...

[walaa farouk]

ميرسي على مشاركتك الجميلة رينا

[sama smsma]

موضوع مهم كتيييييير
ربنا يفرح قلبك

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى