|
 |
 |
 |
|
رقم المشاركة : ( 1 )
26 - 12 - 2016, 10:59 AM
|
|||||||||||
|
|||||||||||
|
التعصب سبب هلاك البشرية التعصب لدين / لطائفة / لمذهب / لسياسة / لرياضة / لأشخاص / لجنس / للون / لفكرة التعصب هو ان تكون علي قناعة ان الحق فقط معك والباقي كله باطل . خلينا نبتدي الحدوتة من اخطر نقطة و أضعفها و هي التعصب الديني و ياريت قبل ما نناقش اي نقطة تعالي نتفق ان الله خلق البشر لانه احببهم .. لا لكى يهلكهم و ربنا شايف من فوق كوكبنا ازاي متقسم لاجناس و أديان و لغات و هو اكيد ليه حكمة اكبر مني و منك اننا نفهمها فا قصة .. ان انا بس اللي داخل الجنة الفكرة من اساسها لازم تتمحي بأستيكة ولما تيجي تكلم ولادك اياك تقولة احنا بس يا حبيبي الصح و باقي الكوكب كله رايح جهنم اياك انت بتزرع فيه من غير ما تحس مبدأ انا بس الصح والباقي ارمي في الزبالة لو كان ربنا من اول الخليقة شاف ان ده شكل مش مريحة كان هلك الكوكب كله في لحظة لكن في حكمة ورا ده ماحدش قادر فينا يوصلها لحد النهارده عاوز مجتمع ناجح لما تدخل جامع او كنيسة وتلاقي رجل الدين اللي بيوعظ عمال يبخ في دماغك انه هو الدين الوحيد والطايفة الوحيدة في العالم ده الصح اخرج و سيب المكان دور علي جامع او كنيسة تانية صلي فيها هاتقولولي ازاي نسيب مكانا و نروح مكان تاني هاقولك ربنا مكانة في القلوب مش في الحطان ربنا أرقي مما تتخيل طيب لما يجي طفل صغير و يسألك سؤال صعب انهي طايفة .. انهي دين .. صح ؟؟ جاوب بعدل قوله كل الأديان اللي اتذكر فيها لفظ الله بتحاول توصل لشخص الله الكبير قوي مين داخل الجنه ؟؟ .. مين داخل النار ؟؟ لا انا ولا انت نقدر نحددها ربك بس هو الحكم الوحيد في الموضوع ده انا مش بقولك سيب دينك ... لا .. بالعكس أتمسك بيه ... بس بدون تعصب و لا ارهاب صدقوني صدقوني عاوز تبني إنسان ابعد عنه كلمة تعصب جاهل نتيجته ارهاب فكري قاتل ده احنا حتي اسامينا مكروهه لو انت مسلم و سمعت اسم جورج ولا عبد المسيح ( بتحس في حاجة جواك رافضة الاسم نفسه ) ولا لو مسيحي و سمعت اسم محمد ولا احمد ولا مصطفي ( بتحس برضة ان في حاجة جواك رافضة الأسماء دي ) غلط غلط الأسماء كلها خلي لسانك ينطقها عادي ماتخافش مش هاتجيلك حساسية و لا تلابٌك معوي ولا شٌحار ارتقوا .. أرجوكم ابدأ بنفسك ببيتك بولادك غير أسلوبك وانت بتتكلم علي شخص تاني يحمل ديانة او طايفة تانيه و خلي عنيك مفتحة وانت بتسلم ودانك لشخص تتلقي منه الدين ركز انه يكون قلبه صافي يحمل الخير للكل بدون تعصب قلبه بس بيشع خير و حب و هو بيوصف الله اللي هي فعلاً اكتر حاجة بتفرح ربنا و بتسعده و هاتخلي العالم كله يملاه فعلاً السلام 🌿🌿 بأدينا نقدر نغير بأدينا نقدر نطلع للمجتمع إنسان خالي من الأمراض النفسيه لا يفرق بين احد في التعامل ربنا ينور العقول والقلوب والأذهان امين امين يارب تكونوا فهمتوني صح ؟ بكره اجمل بينا 🤗❤🙏 انا متأكده 😊🌿 مارسيل فرج الله 
|
|
26 - 12 - 2016, 11:13 AM
|
رقم المشاركة : ( 2 ) | ||||
|
..::| الإدارة العامة |::..
|
رد: التعصب سبب هلاك البشرية
|
||||
|
|
|
26 - 12 - 2016, 12:49 PM
|
رقم المشاركة : ( 3 ) | ||||
|
..::| الاشراف العام |::..
|
رد: التعصب سبب هلاك البشرية
موضوع رائع مستر رامز
ميرسى ربنا يفرح قلبك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| أن الذئاب البشرية إذ تفترس الحملان البشرية وتشرب دماءها |
| التعصب ليس له ملة |
| التعصب سبب هلاك البشرية |
| ما هو التغصب؟ |
| التعصب |
العرض العادي
