|
 |
 |
 |
|
رقم المشاركة : ( 1 )
21 - 12 - 2016, 04:08 PM
|
|||||||||||
|
|||||||||||
|
كبير وصغير يعني إيه؟! مرات بشوف ناس بيتكلموا مع بعض و محموقيين قوي، و واحد بيحاول يفهم التاني حاجة مش داخله دماغه.. و بحس إن فيه مش بس اختلاف فمش عارفين يفهموا بعض، لا فيه حاجة أكتر فيه واحد كبير في حتة وحاسس انه ما ينفعش ده يحصل، و التاني مش شايف و صغير فكل اللي فاهمه انه بيتهاجم و بيحاول يدافع عن نفسه. يعني إيه كبير و صغير اللي مرات كتيير ملهاش دعوة بالسن ؟؟؟!!!  صغير يعني واحد ضيق شايف الدنيا من منظوره.، من المكاسب اللي متعود عليها، اللي يضايقه و يبسطه وده نفسيا صغير زي العيال....... فعلا الدنيا بالنسبه له هي نفسه و بتدور حوالين نفسه وبس ..... و اللي يخصه و اللي يزعله و ازاي كلمناه كده...... و هو وهي بس، و رأيه هو الصح و المُنزل و لا يجادل ..... و مهما حاولت توري له انه فيه رؤية تانيه للموضوع.، فيه ناس تانيه، فيه ظروف تانيه، مش بيفهم و لا يشوف لانه صغير نفسياً. ده ما يمنعش اننا نكمل نحاول نعبر، و نفَهِم، و نشرح، لان ده ساعات اللي بيكبر لكن لازم ناخد في الحسبان عمر الشخص النفسي أو المشاعري لأن ده بيساعدنا نقبل و نفهم و نقدر و نسامح ............ الكبير بيبقى واسع مش ضيق الأفق شايف و بيحاول يفهم الآخر حاسس بإيه، و بيبذل مجهود يعمل كده مع إنه كبير ما بيقولش أنا كبير، لكن لسه بيحاول يكبر أكتر، و يسمع أكتر، و يفهم أكتر، و متأكد إنه الآخر عنده حاجة هتساعده يكبر لما يفهمه و يستوعبه أكتر. الكبير عارف و متاكد إنه معندوش كل الحق لكن بيحاول، و علشان هو في الرحله دي بيسمع و بيكتشف.. الكبير مش متاكد قوي من رأيه و لا حاسس إنه دايما عنده حق، لكن دايما عارف و متاكد أنه .."الله اعلم" الكبير سهل تتكلم معاه، جواه رؤية ليك و لظروفك و لمشاعرك و تفهم حقيقي. بارتاح يمكن لما اشوف ناس تغلط غلطات كبيرة قوي، وأقول معلش لسه صغيرين مش فاهمين لو كبر و عرف يعني ايه """"إنسان""""" و قوة و عظمة و تقل الكلمه ده يعني إيه آخر ..... يعني إيه أقبل و اعيش و احترم الإختلاف. يعني إيه المهم فالأهم، يعني "الإنسان" قبل فكره، ومعتقده، و شكله، ولونه، وشطارته، وخيابته، يعني الحب أهم و أقوي و أحق من الكره مهمها كان السبب... يعني إيه دوري و مسئوليتي و حدودي. يعني محدش عارف كل حاجة، و لاحد وصي علي حد، و كلنا في رحلتنا الإنسانيه محتاجين بعض، بنكبر، و بنتونس، و بنتغير ببعض.... مش قادرة أنكر أو ألغي حزني لما باشوف حد صغير، و مزنوق قوي في نفسه .... و رأيه إنه هو أهم و يعرف أكتر........ و هيصلح الناس كلها ....... و لازم الناس تعامله ازاي و محدش يضايقه و يطلب منه حاجة أو يطلب منه يتغير ..... التغيير زي ما قلنا سكة فيها باجرب أغير طريقتي و اتعلم من العلم و من الخبرات علشان أبقي أب وأم و زوج و زوجة أحسن، التغيير سكة """أنا""" باختار أمشيها بغير كتير من أفكاري و اختياراتي و اسلوب حياتي تاخد زي ماتاخد المهم أنا ماشي و باتغير...... 
|
|
21 - 12 - 2016, 04:25 PM
|
رقم المشاركة : ( 2 ) | ||||
|
† Admin Woman †
|
رد: كبير وصغير يعني إيه؟!
ربنا يبارك حياتك
|
||||
|
|
|
21 - 12 - 2016, 05:52 PM
|
رقم المشاركة : ( 3 ) | ||||
|
..::| الإدارة العامة |::..
|
رد: كبير وصغير يعني إيه؟!
ميرسي على مشاركتك الجميلة رينا
|
||||
|
|
|
22 - 12 - 2016, 10:23 AM
|
رقم المشاركة : ( 5 ) | ||||
|
..::| الاشراف العام |::..
|
رد: كبير وصغير يعني إيه؟!
ميرسى لمروركم الغالى
 |
||||
|
|
 |
|
العرض العادي
