لما بتنزل ف مشوار معين و تتمشى تتفرج ع الهدوم ف المحلات بتلاقي حاجات كتير عجباك ، بس لما بتنزل ناوي تشتري غالبا بترجع إيدك فاضية ..
مش عشان مفيش لبس كويس و مش عشان الهدوم الحلوة فجأه اختفت
لأ ده عشان فكرة إن حاجه هتبقى معاك دايما ؛ فكرة مخيفه ..
- بتحبوا بعض ، و بتتمنوا ربنا يجمعكوا قريب ،
بس لما واحد فيكم بيقعد مع نفسه و يفكر فـ انه هيكمل مع الشخص ده حياته للأبد بيخاف ،
اه حتى لو كويس "بيخاف" ..
فكرة الأبديه مخيفه ، مخيفة جدا ،
و بتخليك تحس أد إيه قرارك مصيري ، و مهم ..
في ناس كتير مننا عندهم فوبيا من كلمة "لـ الأبد"
في ناس بخوفهم ده ، ضيّـعوا من ايديهم حاجات متتعوضش ..
