هيجي اليوم ونتفارق

[walaa farouk]

هيجي اليوم ونتفارق
واكون ليكم يادوب ذكرى
وامتي هيجي ! مش فارق
يجوز دلوقتي أو بكره
بلاش تبكوا عليا ف يوم
بكاكم راح هيتعبني
مشيئة ربنا امرت
تفرقنا وتبعدني
واشواقنا اللي جوانا
خلاص راح تبقى محظورة
وبين كل اللي كان بينا
ما راح يتبقى غير صورة
انا ماشي .. ومش باقي
يادوب غير لبسي ف دولابي
وكم ذكرى ل حاجات حلوة
في بيتي ف وسط اولادي
بلاش الحزن يسرقكم
ليتغير خضار عودكم
واوعوا تضعفوا لحظة
قصاد ( كان ربنا ف عونكم )
ولو رجع الزمان تاني
ونمت ف حضن اولادي
لكنت اصحى من النجمة
واروح قُدَّاسُه في ميعادي ..

#شهداء_البطرسية

[Mary Naeem]

ربنا يبارك حياتك

[walaa farouk]

ميرسي على مرورك الغالى مارى

[Rena Jesus]

ميرسى ربنا يفرح قلبك
ويبارك تعب محبتك

[walaa farouk]

ميرسي على مرورك الغالى رينا