كان فى اب كاهن بيصلى قداس وبعدين كان وراه مشوار مهم فصلى القداس بسرعه جدا
علشان يروح مشواره المهم
وبعد الناس ما مشيت سمع غفير الكنيسه صوت طفل صغير بيعيط
فنور النور وبقى يدور على الطفل فوق الكنب وتحته
وبعدين ركز فعرف ان الصوت جاى من الهيكل
فيقى يقول مين الام المهمله اللى تنسى طفل صغير
ودخل الهيكل ولقى الصوت قوى جدا ومش مستحمل صوت العياط
وكان ابونا رايح مشواره فى الطريق
فأتصل بأبونا وقاله معلش هقلقك يا ابونا بس لإآ حاجه غريبه فى الكنيسه
فقاله ايه فيه قاله يا ابونا صوت طفل صغير بيعيط وصوته هيخرم ودانى
لكن مش لاقيه فى الكنيسه كلها
فأبونا قاله طيب انا جاى على طول ابونا ساب مشواره ولف بعربيته ورجع على طول يجرى على الكنيسه
ودخل الهيكل وركع على ركبه وقاله سامحنى يارب انا اخطأت فى حق جسدك
ان ماخدتش بالى من الجواهر الصغيره انا هتميت بمشوارى واهملت فى اقدس حاجه سامحنى يارب
انا مش مستحمل صوت البكا دا يارب
ارجوك افتح عينيا خلينى اشوف فين الجوهره اللى نسيتها وفعلا لقى فتفوته صغيره من جسد الرب
وقعت على السجاده وهو ابونا بيناول بسرعه لانه كان مستعجل فأخدها بأكرام عظيم
ربنا لو فتح عيننا وشوفنا جسده ودمه استحاله نقدر نقرب من المناوله مش نهابها بس
ودا من نعم ربنا علينا طبعا علشان نتحد معاه فى جسده ودمه الاقدسين
التناول يكون بخشوع وخضوع وشكر اننا مش شايفين السر العظيم
