ربنا وعدنا اننا أفضل من عصافير كتيرة
ربنا قالنا ان جميع شعور رؤوسنا محصاة وعارف عددها
ربنا قالنا لا تخافوا 365 مرة بعدد أيام السنة
وبعد كدة بنخاف؟؟؟؟!!!!
أه بنخاف ....لأننا ضعفاء بطبيعتنا البشرية ....لأن عدو الخير بيخلينا نيأس ونفقد رجاءنا ويضعف ايماننا
وبننسى كل الوعود دى أو فاكرينها بس مش حاسينها من جوانا
طب نعمل ايه.......نستسلم للخوف ؟ ولا ننسى الخوف ونفتكر وعود ربنا الجميلة؟
ولأننا ضعفاء مش هنقدر لوحدنا .....ياريت ياريت ياريت كلنا نصلى من أجل ضعف نفوسنا ونصلى من أجل بعض ان ربنا يدينا سلام ورجاء ويقوى ايماننا بيه وثقتنا بوعوده ويزرع الطمأنينة داخلنا علشان عدو الخير مايقدرش يغربلنا.
يارب انت عارف ضعف نفسى ان كنت بحبط وبخاف ده غصب عنى ...خلينى أشوفك وانت ماسكنى بيمينك وواخدنى على ركبتيك الأبوية ومحاوطنى بذراعاتك الأبدية ..خلينى أتمسك بيك وبوعودك ..قوينى بايمانى بيك..خلينى دايما واثقة ان منك وبك ولك كل الأشياء مفيش حاجة بتحصل من غير سماحك وأكيد أكيد للخير..بس يارب أنا محتاجة قوة ايمان محتاجة سلام وطمأنينة ..علمنى ازاى بجد ارمى حمولى عليك ومانعاش هم حاجة ولا أقلق من حاجة طول ما أنت معايا...مش أنا لوحدى لكن كمان كل اخواتى ولادك اللى أعرفهم واللى ما أعرفهومش.أمين.
