| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
01 - 12 - 2016, 09:57 AM
|
||||
|
||||
 - يعنى تستحملى عياط و زن متواصل بسبب و بدون - يعنى تحضرى نفسك لكورس خناق 3 مرات يوميا على الاقل على تسريح الشعر - يعنى تنسى حاجاتك الشخصيه لانها بقدره قادر بتتحول لدولابها, هتورثك بالحيا .. - يعنى تأقلمى نفسك على قبول ضره معاكى فى البيت ,وقفالك على الواحدة و متابعه خطواتك و بتغير على جوزك و بتسعى لكسب وده حتى لو وقعت بينكم - يعنى تنسى تماما كلمه حاضر و نعم تستعدى نفسيا و عصبيا لمجادلات سفسطائيه لا تنتهى - يعنى تغتنى باى وسيله علشان تلاحقى على طلباتها - يعنى تصدقى ان دولابها اللى مش بيتقفل مفيش فيه هدوم و درج التسريحه فاضى من التوك . - يعنى تسلكى بلاعه الحوض و البانيو اسبوعيا و تفضى كيس المكنسه بسبب شعرها اللى مسيباه علينا و بيسرحوه فى اى حته - يعنى تفهمى ان اى قطعه ملابس بيفوت عليها اسبوعين بتبقى قديمه - يعنى تكتشفى ان مش معنى ان عندها خمس بنطلونات جينز يبقى ده كفايه ...الجينز الوان و قصات و مركات مختلفه - يعنى تسمعى بودنك انك قديمه و مش عايشه فى الدنيا و لا مواكبه الاحداث و تسكتى لان مهما قلتى مش هتغيرى حاجه - يعنى متستغربيهاش لما تتكلم برقه قدام الناس مع انها فى البيت عايشه دور وائل جمعه - يعنى متندهشيش لما تلاقيها بتعيط فجأه او تضحك من غير سبب ...اللى عليها جامد يا سعاد - يعنى تطمنى خالص لما تلاقيها داخله معيطه من الامتحان لان ده معناه انها ناقصه نص درجه بس لكن لو سألتيها و قالت كويس و هى عوجه الشفه السفلى زغرطى لان ده معناه انها قفلت الامتحان - يعنى لما تيجى تقول لك : ماما عايزاكى ثانيه واحده ...تقعدى لانها غالبا هتكلمك فى قضيه قرابه الساعه و مش هطول - يعنى حسك عينك تسأليها عن عيد ميلاد صاحبتها الا لو كنتى فاضيه 3 ساعات متواصل لانها هتوصفلك شراب ابن خاله صاحبتها كان شكله ايه و هتقولك حواجب مراه ابن عم بابا صاحبتها كانت مرسومه ازاى - يعنى اوعى تقولى على بنت جميله و الا هتلاقيها غلت فى نفسها و طلعت فيها القطط الفاطسه و يمكن ترتكب جريمه و بدل ما تشوفيلها عريس تدوريلها على محامى - يعنى تلاقيها ميته طول اليوم و مش قادره تتحرك من مكانها بس صاحبتها تقول لها : تعالى نشترى حاجات من المول, تلاقيهم دبت فيها الروح و بتجرى فى الشقه ولا جمال الحبشه - يعنى لو ناويه تاخديها معاك مشوار مهم تقوليلها قبلها ب48 ساعه على الاقل علشان يادوب تلبس - يعنى تبقى مسلياكى بس فرساكى ... البنات حلوين بس كيدهن عظيم , وعلى راي نانسي .. اللى مخلفش بنات ,, مشبعش من الحنيه ولا داقش الحلويات 
|
|
#2
01 - 12 - 2016, 02:39 PM
|
||||
|
||||
|
ميرسى ربنا يبارك تعب محبتك
|
|
#3
01 - 12 - 2016, 02:40 PM
|
||||
|
||||
|
مشاركة جميلة جدا ربنا يبارك حياتك
|
|
#4
02 - 12 - 2016, 08:32 PM
|
||||
|
||||
|
رينا
مارى ميرسي كتير على مروركم الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| هل هذا يعني أن بنات يهوذا دون أبنائها يبتهجن | Mary Naeem | بستان الرهبان | حكم وتعاليم آباء البرية وأباء الرهبنة | 0 | 10 - 07 - 2023 05:25 PM |
| يعنى ايه تخلفى صبيان | walaa farouk | شبابيات الفرح المسيحى | 0 | 03 - 11 - 2021 01:34 PM |
| لما تخلفى ولد | walaa farouk | الأسرة والطفل | 0 | 21 - 10 - 2020 01:35 PM |
| ثيلفى | walaa farouk | صور كاريكاتير | 7 | 16 - 07 - 2016 12:07 AM |
| تحمـد ربنـآ آنهـمـ آصلـآ آختفــوآآ مـن حيـآتـگ ! | Mary Naeem | موسوعة توبيكات مميزة | 0 | 31 - 10 - 2013 03:46 PM |
العرض العادي
