|
 |
 |
 |
|
رقم المشاركة : ( 1 )
30 - 11 - 2016, 02:20 PM
|
|||||||||||
|
|||||||||||
|
بص يارب.. حقولك حاجة.. طالما الالم معاك شكله ضرورة ... ممكن اتالم بس معلش نتفق.. الم في حدود.. اولا .. انك تبقي في الاتون رابع شبيه بابن الالهة في النار موجود ثانيا تشق البحر بعصاية و تغرق فيه فرعون و تخلي ميته عن يميني و شمالي جدار مسدود ثالثا.. انك تبعت ملاك في الجب يسد افواه الاسود و طالما معنديش مخازن و الدنيا بقت غلا و كوا.. تبقي تديني من و سلوي يوم بيومه و سحابة تضلل بالنهار.. و بالليل.. نور عمود او تقول لكوار الدقيق و كوز الزيت لا يفرغ و نقضيها فطير في فطير لحد ما المطر ينزل و مش مهم الدايت دلوقتي.. فطير و لا حتة لحمة يجيبها غراب المهم قوت بناتي و بيتي ما ينقصش.. اللي بيه عليا و الاحباب تجود ممكن اتالم معاك اه.. بس القصة ما تبقاش كلها شاول لازم يبقي فيها برضه داود و مش كلها دموع..مش بحب النكد و الغم.. لا يايسوع .. لازم شوية فرفشة و بهجة و مزمور ع القيثارة و العود اتالم و انت معايا في الالم... ده وعدك.. مش مهم تكون مزود او مولود المهم تبقي معايا ماهو انت قلت اتبعك يعني انت تبقي ماشي قدامي درع ليا و قوس مشدود و لما يهيج البحر و يثور.. ايدك لمركبي تبقي سور.. دمك لخلاصي عبور.. و لا تسبنيش في ايد عدوي ماسور و لا في خطيتي مكسور.. انت تبني اللي انهدم و اللي اتخرب بالمجد اضعافه بيك مردود و لما اصرخ لك كفاية.. وقف علي طول .. اصلي مش بستحمل ببقي خلاص ساعتها مش متحمل.. قول وقتها للبحر ابكم و شيلني علي كتافك و ارفعني زي طفل صغير لفوووووق.. لفووووق.. و اسالك و انا بهز في رجلي و حاطط ايدي علي راسك .. اوع توقعني!!! قولي لو شاطر.. عدد شعر راسي كام..؟! تضحك و ترد عليا.. ما انا قولت لك قبل كده ميت مرة ما تخافش... شعر راسك معدود كده بس...ابقي وياك في الالم.. ساعتها يبقي عطية و نعم.. و الوجع هين مش هو الهدف و لا المقصود 
|
|
30 - 11 - 2016, 03:19 PM
|
رقم المشاركة : ( 2 ) | ||||
|
† Admin Woman †
|
رد: ابقى وياك فى الألم
ربنا يبارك حياتك |
||||
|
|
|
30 - 11 - 2016, 03:40 PM
|
رقم المشاركة : ( 3 ) | ||||
|
..::| الاشراف العام |::..
|
رد: ابقى وياك فى الألم
ميرسى ربنا يبارك تعب محبتك
|
||||
|
|
|
30 - 11 - 2016, 07:29 PM
|
رقم المشاركة : ( 4 ) | ||||
|
..::| الإدارة العامة |::..
|
رد: ابقى وياك فى الألم
ميرسي كتير على مروركم الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| و انا وياك |
| مستني يوم ما تيجي تاخدني و ابقي فيه وياك |
| وياك انا وياك شبعان فرحة وامان |
| وأنا وياك |
| أنا وياك |
العرض العادي
