(خلي النهاردة أحلى يوم)

[walaa farouk]

استمتع بـ"يوم كامل"
(خلي النهاردة أحلى يوم)
ندم إمبارح ومخاوف بكرة هم أعداء فرحة النهاردة

ع الكتاب يوحنا 10:10
"اَلسَّارِقُ لاَ يَأْتِي إِلاَّ لِيَسْرِقَ وَيَذْبَحَ وَيُهْلِكَ، وَأَمَّا أَنَا فَقَدْ أَتَيْتُ لِتَكُونَ لَهُمْ حَيَاةٌ وَلِيَكُونَ لَهُمْ أَفْضَلُ."
(الحرامي بييجي بس عشان يسرق ويقتل ويدمر. لكن أنا جيت عشان يكون ليهم حياة يستمتعوا بيها، وتبقى ليهم بوفرة (مليانة، لغاية ما تفيض).)

إذا سافرت قبل كده على الطريق الزراعي ممكن تكون عدّيت على بعض المناظر الجميلة طول الطريق. يمكن تكون التلال الصغيرة المفروشة على الطريق المُلتوي، أو المزارع المُشذبة (المتوضبة) بعناية الممدودة في الوسع. أو يمكن تكون الخُضرة الجميلة الواسعة، أو سرب طيور في رحلة هجرة. جمال الطبيعة ده لازم هيأسرك إذا كنت واخد بالك كفاية منه واستمتعت بيه وأنت في طريق السفر.

الحياة رحلة، وفي الرحلة دي مهم تستمتع بكل لحظة. الرب حط حاجات كتير في طريقك عشان تخلي الرحلة دي مُمتعة. لكن لو كل اللي أنت بتفكر فيه هو المكان اللي هتوصله، هاتفوِّت حاجات كتيرة جميلة على الطريق. مع إن دي حاجة عظيمة إنك تكون مركِّز في رحلتك، أو في المهمة اللي عليك، كمان بالظبط مهم إنك تستمتع باللحظات اللي بتمر. الحياة مش كلها بتدور حوالين المستقبل. ربنا عايزك تستمتع النهاردة.

ابدأ أول حاجة بأنك تتعلم تقدَّر نفسك وتدي قيمة للناس اللي الرب وجدهم في عالمك. كمان قدَّر الحاجات الصغيرة (اللبس، الجزم، الكتب، الأدوات، إلخ) اللي الرب باركك بيهم. وافهم إن الاستمتاع بالحاجات البسيطة الصغيرة في الحياة هو المفتاح للاستمتاع بالحقائق الروحية.

ادخل للعمق – 1 تيموثاوس 17:6 - رومية 32:8


بابا حبيبي، شكراً لأنك بتحمِّلني بكل البركات اللي محتاجها عشان اتمتع بحياتي كل يوم. أنا مليان بمجدك ونعمتك، وأنا بأملك في الحياة النهاردة وللأبد. باسم يسوع. آمين.
اكتب وصف لـ "اليوم الكامل" واعمل خطة عشان تحققه لنفسك.

[Rena Jesus]

ميرسى ربنا يفرح قلبك

[Mary Naeem]

ربنا يبارك حياتك

[walaa farouk]

رينا
مارى
ميرسي كتير على مروركم الغالى