|
 |
 |
 |
|
رقم المشاركة : ( 1 )
26 - 11 - 2016, 11:21 AM
|
|||||||||||
|
|||||||||||
|
الفرق بين الزوج الراجل ... والزوج اللى مش راجل .... ١- الزوج الراجل لما مراته تحمل أو تمرض يروح معاها عند الدكتور .... الزوج اللى مش راجل..... يقول لها خدى أمك أو أختك ومايديهاش فلوس الكشف حتى !! ( يارب تموت لوحدك وماتلاقيش حد يدفنك ) ٢-الزوج الراجل دايما محسس مراته بالأمان وأنها قاعدة فى بيتها مملكتها وأنه مايقدرش يستغنى عنها وأنهم مهما اتخانقوا وللا ضربوا بعض وللا حتى قتلوا بعض برضه حتفضل مراته (فلما الست تطمن وتشعر بالأمان تبذل أقصى طاقاتها وفوق طاقتها أحيانا للحفاظ على مملكتها والارتقاء بها ) الزوج اللى مش راجل.... مش محسس مراته بالأمان ومفهمها أنها قاعدة فى (بيته) !! وكل شوية يرميلها كلام عن التعدد أو أنه استعجل أو أن الفرص كتير قدامه !! (فلما الست تفقد الشعور بالأمان وتحس أنها متباعة بلاش فى أى لحظة تنطفئ حيويتها ويذهب رونقها وتستخسر اى مجهود او تعب للمحروس ولسان حالها قائلا :- طب وعلى ايه التعب ؟؟ مانا كده كده متباعة ! ) ٣-الزوج الراجل هو اللى بيقدر ينظم العلاقة بين مراته وأهله بذكاء من غير ماييجى على حد فيهم ... ويطلع أمه للسما لما يكون معاها ... ويطلع مراته للسما لما يكون معاها ... ومفهم كل واحدة انها رقم واحد وأن هى اللى فيهم .... ولما يحس ببوادر مشاكل بيفصل مابين القوات لحين ترتيب الأوضاع الداخلية.... الزوج اللى مش راجل .... بغبائه يوغر صدر زوجته على أمه لما يزعق فيها أو يهينها عشانها أو يجبرها على الزيارة أو الخدمة وهى كارهة وكل شوية انا ماليش غير أمى وأمى هى الكل فى الكل واذا كان عاجبك ومش عاجبك وانا غلطان انى ماسمعتش كلامها وانا قاعد معاكى بس عشانها .... (طب وعلى ايه حضرتك ؟؟ روح اقعد جنب أمك اشبع بيها وصلح غلطتك ... باب التوبة لسه مفتوح !!) ٤-الزوج الراجل بيشكر زوجته ولو بكلمات بسيطة بعد أى مجهود بتعمله ولما تكون مقصرة فى حاجة او مش بتعملها زى ماهو عايز بيوصل لها تقصيرها بذكاء ومكر من غير مايهينها ولا يسئ ليها او يكسر من مجاديفها ... ولو مافهمتش بالتورية بيكلمها صراحة ويصبر عليها مرة واتنين وتلاتة وعشرة ويشكر اى تحسن .... ولو لقى انها فعلا حاولت بس ماوصلتش برضه للى عايزه بيطنش (بيتغافل) ... الزوج اللى مش راجل ..... يعيب فى كل حاجة مراته بتعملها ويطلع فيها القطط الفاطسة ويتهمها بالفشل الذريع ... فالنتيجة ايه ؟؟ مراته لما بتلاقى انها مهما عملت مش حترضيه ومش حتبقى good enough فبتيأس ... واليأس يؤدى لترك العمل أو عدم اتمامه على الوجه المطلوب .... ولا ربع المطلوب حتى ... ٥- الزوج الراجل ما بيبخلش على مراته ... ولما ربنا يوسع عليه بيعوضها الأيام الضنك اللى عاشتها معاه واستحملته فيها الزوج اللى مش راجل ..... يبخل على مراته ولا يعطيها المال مع قدرته ... ويستخسر فيها القرش لقناعته الكاملة بأنها لا تستحق وخسارة فيها ويلجؤها للاقتراض او بيع حاجياتها مع قدرته المالية ويضيق على أهله فيضيق الله عليه !! ٦- الزوج الراجل يشبع مراته عاطفيا ويعفها ويجعل ذلك هو اهتمامه الأول قبل أى شئ لأن ذلك هو سبب زواجها منه اصلا ( الحمدلله كانت بتاكل وتشرب وعندها سرير ومعززة مكرمة فى بيت ابوها !!) الزوج اللى مش راجل ..... يهمل زوجته عاطفيا وجسديا ويعذبها معه عذاب الدنيا والأخره وان كان عاجبها...... ٧- الزوج الراجل لما مراته يفيض بيها وتنفجر يسكت خالص ويسيبها تقول كل اللى عندها وبعدين يقول لها حقك عليا ويبوس راسها فيجعلها تخجل من نفسها ويصيبها احساس بتأنيب الضمير (ابن اللعيبة) .... ولما تهدأ تماما يتناقش معها بهدوء ليفهم ماهية المشكلة بالضبط ويحاول حلها دون اتهامها أو تعنيفها او تخويفها مستقبلا من ان تخرج له مابصدرها من شكوى وتعب ... الزوج اللى مش راجل ...... لما زوجته تنفجر ينفجر هو كمان ويخليها حريقة لا تبق ولا تذر ..... ٨- الزوج الراجل يحترم زوجته أمام الناس ويرفعها ويناديها بأحب أسماءها اليها واحيانا يدعو بدعوة خفيفة جميلة أمامهم الزوج اللى مش راجل ..... يسفه من زوجته امام الناس ويستخف بها ويتعمد احراجها واهانتها ( وده لانه فشل انه يكون راجل جوه البيت فبيحاول يعوض هذا النقص فيه بالإساءة اليها أمام الناس) .... ٩- الزوج الراجل يساعد زوجته قدر استطاعته فى البيت ويحمل معها هم الأولاد ويكون سندا لها اذا وقعت من مرض او تعب ... الزوج اللى مش راجل ..... يتعامل مع زوجته على أنها خدامة اللى خلفوه وأنه جالس فى فندق خمس نجوم والكماريرة بتيجى كل يوم تشيل وراه ( طب على فكرة الكماريرة بتقبض بالدولار وليها اجازة يومين فى الاسبوع وشهر فى السنة وتذكرة طيران رايح جاى وبوناص مالى آخر العام) ١٠- الزوج الراجل يبقى مهنن مراته ومستتها ومع ذلك كل شوية امام الناس الله يكون فى عونك ياأم فهد ... ربنا يعينك علينا يا أم فهد ... ربنا يخليلنا أم فهد ... من غيرك مانسواش ياأم فهد ... ويعمل لها فيديو فى عيد جوازهم وهو ناثر الورد فى غرفة النوم وحاطط هدايا الدهب والحلويات والورود على التسريحة ومشغل لها اغنية عاطفية وكاتب على لوحة كبيرة أحبك ياأم فهد ... الزوج اللى مش راجل ..... يبقى رامى الحمل كله عليها ومستنزفها ويقول : يعنى هى كانت بتتعب فى ايه ؟؟ نفسى افهم انتى من الصبح بتعملى ايه ؟؟ انتى لازمتك ايه ؟؟ ( حيلة عقلية معروفة لتعويض تأنيب الضمير ونقص الرجولة لديه ) ... ويمتنع تماما عن توجيه أى كلمات شكر أو هدايا لها حتى لاتأخذها العزة بالاثم لانها السبب فى الانقلاب العسكرى والعدوان الثلاثى و اقتحام اليهود لبيت المقدس .... عزيزى الراجل .... ربنا يفرح قلبك دايما ببيتك ومراتك ... بالنسبة للى مش راجل .... ادع الله أن يصلحك قبل فوات الأوان .... عزيزتى زوجة اللى مش راجل ... اصبرى ولا تيأسى ... وصلى وأطلبى من ربنا باستمرار وحاولى تقويمه قدر المستطاع .. 
|
|
26 - 11 - 2016, 11:53 AM
|
رقم المشاركة : ( 2 ) | ||||
|
..::| الإدارة العامة |::..
|
رد: الفرق بين الزوج الراجل ... والزوج اللى مش راجل ....
كلام مظبوط جدااااا يا رينا
|
||||
|
|
|
26 - 11 - 2016, 02:27 PM
|
رقم المشاركة : ( 3 ) | ||||
|
† Admin Woman †
|
رد: الفرق بين الزوج الراجل ... والزوج اللى مش راجل ....
مشاركة جميلة جدا ربنا يبارك حياتك |
||||
|
|
|
27 - 11 - 2016, 11:37 AM
|
رقم المشاركة : ( 4 ) | ||||
|
..::| الاشراف العام |::..
|
رد: الفرق بين الزوج الراجل ... والزوج اللى مش راجل ....
ميرسى لمروركم الغالى
 |
||||
|
|
|
25 - 04 - 2017, 05:57 PM
|
رقم المشاركة : ( 6 ) | ||||
|
..::| الاشراف العام |::..
|
رد: الفرق بين الزوج الراجل ... والزوج اللى مش راجل ....
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ما هو الفرق بين الفعل الفاضح والزنى؟ |
| راجل يبقى الكف اللي ينزل على وش اللي يعكر دمك |
| ما هو الفرق بين الفحشاء والزنى؟ |
| الفرق بين الحبيب والخاطب والزوج |
| الفرق واضح بين سواقة الراجل والست |
العرض العادي
