|
 |
 |
 |
|
رقم المشاركة : ( 1 )
22 - 11 - 2016, 05:19 PM
|
|||||||||||
|
|||||||||||
|
تعمل ايه لو اول مره تخرج مع خطيبتك ؟ ١. مبدأيا كدا لازم تعرف ان البنات اغلبهم حريفه كافيهات وعارفين حاجات احنا مانعرفهاش.. cpdفماتحاولش تبهرها او تجود وامشي جنب الحيط.. ٢. ماتخادهاش وتاكلوا سوشي..اوعي تعمل كدا.. السوشي دي حاجه احنا كرجاله نعيش ونموت نسمع عنها بس مانقربلهاش.. لو الحماس خدك وروحت كلته هترجعه فوشها والجوازه هتبوظ ٣. لو دخلتوا كافيه اديها المنيو تقلب فيه زي ماهي عاوزه.. هي تختار فورباتشينو كومتشينو فلاميني كلاميني وتقولك ده حلو جرب انت ابتسملها كدا وقولها معلش ده بيتعبني..لا اصل عاوز انام..اصل لسه واكل.. الاجابات دي بتلحق جامد.. فسيبها تعيش حياتها وتختار واطلب انت خمسينه نعناع سكر برا.. ٤. اياك ثم اياك تقع معاها في فخ الشوكولاتات..دي مصيده يابني..خد بالك ان فيه انواع تانيه غير الكوفرتينا وكورونا وجلاكسي نزلت السوق.. انت اخرك كدا وكلنا زيك والله.. واحد صاحبي خطيبته قالتله عاوزه فيريه روشيه خدها محل جزم حريمي.. ٥. هتلاقيها كتير بتجس نبضك فالالوان.. احنا من رحمه ربنا علينا ان اشاره المرور احمر واصفر واخضر.. احنا الازرق بنختلف عليه.. لو سالتك علي لون ستاره الكافيه دي حلوه اوي قولها عقبال مانلبسيهولي عقبال مانجيبه فبيتنا اي كلام.. ابعد من كدا ودانك هتحمر وهتبان مابتفهمش ٦. اعرف صاحبتها بيخرجوا فين وابعد عن المكان ده تماما..اصل هتشوفهم..هتسلم..هتقعد معاهم..هتجيبك تعرفك عليهم..هتقعد معاهم القعده هتحلو..وادفع يا وليد ٧. البنت بتجهز فساعه وتحط ميكاب فى تلت ساعات.. فلو معادك خمسه قولها اول ماتصحي من النوم تبدا تلبس ٨. كل بالشوكه والسكينه عشان ماتروحش تقول لامها ده بياكل باديه.. انا عارف انها لواحدها بتاكل برجليها بس دي بروتوكولات..لازم ٩. تجنب تماما اي حاجه ممكن تتكب عليها.. لو اي نقطه جت علي هدومها الخرجه هتقضيها فالحمام وكل سنه وانت طيب ١٠. لو ماتعرفش ايه الستافد كراست ده ماتطلبش بيتزا.. هاتلك فطيره حادقه بسطرمه وروحوا كلوها في أى داهيه.. عشان لو ماتعرفش ده ايه هتلاقيها بصتلك كدا وبرقت وقالتلك انت ماتعرفش الستافد كراست يبقي انت اكيد مابتحبنيش..ليلتك طين يامعلم ١١. هاتلها بالونات وعرايس ودباديب فاخر كل خروجه..هتدعيلي ١٢. اعزم علي امها انها تيجي معاكو فالخروجه..لو قالت لا اسجد سجده شكر واوعي تكررها تاني طول الخطوبه 
|
|
22 - 11 - 2016, 06:23 PM
|
رقم المشاركة : ( 2 ) | ||||
|
† Admin Woman †
|
رد: تعمل ايه لو اول مره تخرج مع خطيبتك ؟
مشاركة جميلة جدا ربنا يبارك حياتك |
||||
|
|
|
22 - 11 - 2016, 06:29 PM
|
رقم المشاركة : ( 3 ) | ||||
|
..::| الإدارة العامة |::..
|
رد: تعمل ايه لو اول مره تخرج مع خطيبتك ؟
ههههههه مشاركة رائعة جدا
|
||||
|
|
|
23 - 11 - 2016, 03:31 PM
|
رقم المشاركة : ( 4 ) | ||||
|
..::| الاشراف العام |::..
|
رد: تعمل ايه لو اول مره تخرج مع خطيبتك ؟
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| لما بتحس بظلم مين اول واحد بتبقى عايز تجري عليه؟ |
| لكي تحرج شخصاً اساء لك قم بعمل جيد مع اطفاله |
| هل تعلم أن بطاقة الصراف الآلي تخرج من الماكينة قبل النقود |
| انا خطيبتك |
| تجنب الاخطاء اثناء خروجك مع خطيبتك |
العرض العادي
