ستفهم

walaa farouk · رقم المشاركة : ( 1 ) 19 - 11 - 2016, 05:42 PM

" هيفهمك "
اه هيفهمك، هيفهمك كل اللى انت عايز تفهمه ، هيفهك ليه الفرح اللى انت بينلك انه متاخر هو ليه ماخره ، يمكن علشان لو جه فى الوقت اللى انت عايزه فيه مش هيفرحك الفرحة اللى ربنا عايزك تفرح بيها ، فانت تعبت وشايفها متاخرة من كتر تعبك اللى عميك عن الفرحة الكبيرة اللى ربنا محوشهالك ، هتفهم ليه ربنا احيانا كتير بيسمح بفتح جرح حصلك قبل كدة من جديد ، لانه بيبقى عايز ينضفهولك من اول وجديد عايز يقفله على نضافة لانه مكنش مقفول صح علشان كدة وجعك لما اتفتح تانى فهو يسمح انك تتالم بفتحه شوية علشان ينضفهولك صح ويقفلوا على نضافة من غير وجع تانى ، هيفهمك ليه التجربة ديه دخلت فيها بالرغم انه كان من الاول ممكن ميدخلكش ، علشان احيانا كتير التجارب بتكون هى الوسيلة اللى بتعدلنا من كتر عنادنا بتبقى هى القلم اللى بيفوقنا ونرجع من تانى ، واحيانا بيكون ربنا عايزنة نخشن شوية ونجمد فالتجارب هى اللى بتقوىك وبتصلبك قدام اى حاجة بعد كدة تمر عليك ، واحيانا بيبقى عايز يحول ضعفك لقوة ويعلمك تتكل عليه ، كل تجربة بتمر عليك هيفهمك ايه قصده منها فى خلال حياتك حتى لو بعد سنة لازم تشوف فايديتها ، لانه مبيديش حد فوق احتمال ولا يدى التجربة من غير المنفذ بتاعها ، هيفهك ليه اخد فلان وحط فلان ، علشان فلان ده يمكن يكون كان هيبقى تعب ليك او انت تعب ليه فربنا زاحكم من حياة بعض وحطلكم اللى يكون سبب راحة ليكم فى حياتكم ، هيفهمك لبه بيسمح انه ميكونش عندك طفل ، يمكن علشان طفلك ده فى يوم من الايام يكون مصدر تعب ليك مش راحة زى ما وصى كتابك ، ويمكن علشان يخليك تبقى حنين على الكل لانى فاقد الشئ بيعطى للكل وبيعطى بزخاء اكتر من اللى عنده ، هيفهمك ليه بيسمح انه ياخد فلان من على الارض عنده ، علشان يمكن لو كان فضل مكنتش هتستحملوا فمحبكش يضيع اكليلك بالوقت اللى استحملته فيه ، حاجات كتير بتحصل فى حياتنا ملهاش حصر لو اعدنا سالنا فيها مش هتخلص زى ليه يارب تدينى التعب ليه تدينى مدير متعب كدة ليه تدينى اشخاص واصحاب متعبة فى حياتى ، ليه والف ليه كتير بنسالها لكن فى كل ليه ديه لى قصد منها ،وهيفهمك بإجابة منه
هتخلص بالكلمة ديه
" انت لا تدرى فيما انا صانعه بك الآن لكنك ستفهم فيما بعد "
ديه اختصارات كل الاسئلة اللى كتير بتيجى فى دماغنا وبقلبنا بنسألها ، اتاكد انى ربنا مش هيسيبك محتار نهائى مهما طال ، حتى دمعتك اللى نزلت اوقات كتير هيفهمك هى نزلت بسماح منه ليه ، ربنا من حنوه انه احيانا كتير بيخفى عننا حاجات كتيرة لو عرفناها هنتعب ونضيع فهو بيشيلها عننا بجهلنا عنها ، اتاكد انى ربنا مش هيسيبك محتار كتير ، " مقاصد الله لا يعلمها الا الله " فى الاخر هتلاقى نفسك بتقوله
" اقنعتنى يارب فاقتنعت الححت عليا فغلبت " فمتقلقش ومتشردش باسالتك اطمن ربنا ناسج حياتك لخيرك ، فكل تجربة هتمر عليك هيقولك " ستفهم " فحط انت بقى فيما بعد ومتستعجلش على وقتها وافتكر انك ممكن تتعب لو فهمت فهو حطلك
ال " س " وخلاها ستفهم علشان يريحك مش يتعبك ..