ايوا يا خويا بارملى شنبك وراكب حصان+++ معجزة لمارجرجس الرومانى

[walaa farouk]

المعجزه دي زي ما ابونا يعقوب سليم كاهن كنيسه العدرا كفر سليمان طنطا حكاها في نهضه امير الشهداء القديس العظيم مارجرجس بالمنصوره بمناسبه عيد تدشين الكنيسه
بيحكي ابونا وبيقول :
كان فيه كاهن راح قسم البوليس علشان يحل مشكله احد ولاده وبعدين ، بعد ماخلصت المشكله وهو مروح بيته في الطريق كان فيه 4 شبان غير مسيحين فلما شافوه قالوا تعالوا نعاكس الكاهن دا فقربوا منه واعترضوا طريقه وخطفوا العمه من علي راس ابونا وقعدوا يتبادلوها بينهم وبين بعض وابونا يحاول يأخذها وهما بيرموها لبعض كأنها كوره بيلعبوا بيها ، وابونا قعد يقولهم ياولد هات عمه ربنا يسوع المسيح يا ولد ، وهما مفيش فايده لحد ماابونا روح من غير العمه وكان زعلان خالص .
اول ما تدخل بيت ابونا كان عامل في مدخل الشقه مقصوره لمارجرجس فراح وقف قدام الصوره و عاتبه قائلا :
ايوا يا خويا راكبلى علي حصان وبارملى شنبك وقال ماسك في ايدك حربه وسايب العيال يخطفوا مني العمه مش قادر تمسكهم طب ادي القنديل بتاعك (هووووووووووف ) طفي ابونا القنديل
ابونا راح قايل مش هولع القنديل تاني غير لما تمسك العيال وتجيبلي العمة
ودخل ابونا ينام وفجأة الباب خبط لقي البوليس وقالوا له لازم تيجي معانا دلوقت القسم
وراح ابونا معاهم لقي العيال مقبوض عليهم والعمة علي المكتب
والضابط قال لابونا فيه ضابط قبض علي العيال دول وجاب العمة .
فيه ولد من العيال اصيب بمرض نفسي وقال لامه اصل انا زعلت الشيخ بتاع المسيحين
راحت امه قالت لست مسيحية القصة فقالتلها ابونا دة طيب خالص وهيسامحه
وفعلا راحوا عند ابونا والولد اعتذر لابونا وابونا قاله انا سامحتك وبص الولد علي الحيط لقي صورة مار جرجس
فقال الولد بدهشه مين ده ؟
رد الكاهن هذا الشهيد البطل مارجرجس
فقال الولد دة الضابط اللي قبض علينا
فقال ابونا هو دة مار جرجس شفيعنا وبطلنا

شفاعتك يا بطل تكون معنا أمين +++

[Rena Jesus]

ببركة مارجرجس تكون معانا
ميرسى ربنا يفرح قلبك
ويبارك تعب محبتك

[Mary Naeem]

شكرا يا لولو
ايوا يا خويا بارملى شنبك وراكب حصان