|
 |
 |
 |
|
رقم المشاركة : ( 1 )
09 - 11 - 2016, 08:24 PM
|
|||||||||||
|
|||||||||||
|
لو حاسس بضعف شديد.. لو عندك احباط بسبب فشلك في تحقيق هدفك.. او خيبة امل في نتيجة كان نفسك فيها ومحصلتش.. لو حاسس انك بتلف في دواير.. لو حاسس انك تايه... لو حاسس انك شايل جبل فوق دماغك.. لو حاسس انك لوحدك ومش لاقي دعم.. ومش لاقي سكتك.. وعايش في شتات رهيب... لو متمسك بابواب اتقفلت في وشك.. ورافض تدخل ابواب بتتفتح لك... لو اليأس ماليك... والخوف بيحركك... لو بدأت تتذل للبشر.. لو بدأت تحس بعدم تقدير لقيمتك.. ولعدم اهتمام بوجعك... لو الاحاسيس دي موجودة عندك.... يبقى محتاج حقيقي تقف وقفة مع نفسك..!! الأحاسيس ديه بتقولك رسالة واحدة... بتقولك انت شايل فوق قدرتك البشرية... انت بتخطط بعيد عن ادراكك... انت قافل عقلك في ابواب محددة واهم نفسك انها سعادتك... انت نسيت ... وبوصلتك ااتشوشرت لأن بدأت الدنيا تدخل قلبك... محتاج تركز انك دلوقت بتدوق الشتات.. بتدوق تكلانك الى نفسك.. بتدوق انك وحدك بدون الله!!! وُكِلت الى نفسك... عشان اصبحت نيتك مختلطة.. نسيت في الطريق انت ماشي بتعمل ايه ولمين... وبدأت الدنيا تلعب بيك.. وبدأت تركن لشهواتك فيها... وبدأت تعلي اوي من احتياجاتك لدرجة انك لما يتفتح لك باب فتنة بتقع... ضعفت اوي... اوي... لانك بقيت بتلف حوالين نفسك... بدل ما تكون حياتك حول الهدف الأعلى... ان حياتك تكون لله!! فاكر لما كنت متوكل على ربنا... ازاى كنت راضي؟... لما كنت بتجدد نيتك.. كان بيستعملك ازاى وبيفتح لك الخير .. لما نسيت ده... لما بدأت تحب الدنيا اكتر من ربنا... لما تحقيق هدفك بدل ما كان وسيلة اصبح غاية... اتعرفت على ضعفك الشديد.. وشفت دنو بشريتك... انت يا مسكين متقدرش تشيل شيلة تدبير امرك... انت عقلك ميستحملش انه يخطط ابعد من خطوات بسيطة امامه... عقلك مش المفروض يصمم على شكل محدد لاسلوب الحياة واسلوب تحقيق اى خطوة!!! انت نسيت... ان الله مدبر الأمور.. نسيت انك عايش ليه ... نسيت ان انت بدونه لا تسوى شىء!! كل انجاز حققته فهو تدبيره وحكمته مش بشطارتك ابدا... ولا عمرها هتكون بشطارتك... دورك انك لما تخلص من باب فتحهولك..تدخل من باب تاني... يبقى شعارك انك بتنفع اينما حللت... المهم تبقى متوكل على ربنا في الشكل اللي هيستعملك فيه... اوعى عقلك يسحبك في منطقة انت تعجز ان تعمل فيها بقدراتك البشرية... ساعتها بس هتضطر تعيشها ضنك... لعلك تذكر... هدفك الحقيقي... رضا الله وبس ❤ بجد من فقد الله فماذا وجد.. ومن وجد الله فماذا فقد.. 
|
|
10 - 11 - 2016, 09:30 AM
|
رقم المشاركة : ( 3 ) | ||||
|
..::| الاشراف العام |::..
|
رد: وقفة مع نفسك..!!
ميرسى لمرورك الغالى
 |
||||
|
|
|
10 - 11 - 2016, 10:46 AM
|
رقم المشاركة : ( 4 ) | ||||
|
† Admin Woman †
|
رد: وقفة مع نفسك..!!
روووعة يا رينا
|
||||
|
|
|
10 - 11 - 2016, 10:49 AM
|
رقم المشاركة : ( 5 ) | ||||
|
..::| الإدارة العامة |::..
|
رد: وقفة مع نفسك..!!
ميرسي على مشاركتك الجميلة
|
||||
|
|
|
10 - 11 - 2016, 02:15 PM
|
رقم المشاركة : ( 6 ) | ||||
|
† Admin Woman †
|
رد: وقفة مع نفسك..!!
مشاركة جميلة جدا ربنا يبارك حياتك |
||||
|
|
|
10 - 11 - 2016, 03:30 PM
|
رقم المشاركة : ( 7 ) | ||||
|
..::| الاشراف العام |::..
|
رد: وقفة مع نفسك..!!
ميرسى لمروركم الغالى
|
||||
|
|
 |
|
العرض العادي
