في حاجه كده كنت دايما بسمع عنها اسمها "personal space" ..
و هو ان يكون بينك و بين شخص مسافه..
بمعني ان لما كنا في الكليه لما كان ولد ياجي يقف جنب بنت و قريب منها اوي.
كانت تقوله "personal space" . لو سمحت..
اللي هو اديني مساحه اتحرك..
اديني مساحه اعمل اي حركه من غير ما كون خايفه اتخبط...
تتدور الايام دلوقتي و الاقي نفسي شايفه ان المصطلح ده مش كمسافه بس...
لا ده كمان حريه... يعني انا بحبك مش لازم اكون خنقك..
مش لازم اكون لازق فيك 24 ساعه.. مش لازم اكون في ديلك بالبلدي...
اتعودوا تسيبوا للي بتحبوهم مساحه..
وقت مايحبوا يبعدوا يبعدوا منكونش كاتمين علي نفسهم...
وقت مايحبوا يقربوا يقربوا مش عشان انا مافيش غيري قدامه...
وقت مايحب يعملي مفاجاه. يعرف يفاجاني...
سيبوا في العلاقه جزء فاضي مجهول مايكونش مفهوم...
اديله فرصه انه يتوغوش عليكي..
اديله مساحه انه يخون و يكدب و يجرح،
لانه لو عمل كده. هيبقي ده طبعه و هتبقي انتي اللي كسبتي..
متخلوكوش مضمونين.. البني ادم اول ما بيضمن بيبيع....
نحن نسعي لعلاقه ناضجه و ليس علاقه كتمه علي نفسنا
