هل تحب نفسك حب غير مشروط ؟

[Rena Jesus]

هل تسمح لنفسك انك تحب نفسك حب غير مشروط ؟
لا مش هينفع
جمله بسمعها كتير اوي
ولما بندور في اللي واقف بيننا وبين حب النفس الغير مشروط غالبا بنلاقي حاجتين

***اول حاجه ازاي احبها وفيها عيوب ؟
والحقيقه ان كرهنا لنفسنا بسبب عيوبنا وربط حبنا ليها بانجازات وصفات بتتغير من اكبر الجرايم اللي بنرتكبها في حق نفسنا
لان في الغالب العيوب بتتفاقم او بنصلح عيب ويظهر غيره ولان عمرنا ما هنكون خاليين من حاجات عاوزين نغيرها يبقي الواقع ان عمرنا ما هنحب نفسنا ابدا

*** وتاني حاجه مهو انا لو حبيتها حب غير مشروط هتتصلح ازاي ؟
وكان اننا منحبش نفسنا الا لو حاجه معينه حصلت ده هيصلحها ويخليها زي ما احنا عاوزين
وكان حبنا لنفسنا هيزود مشاكلنا
وقسوتنا عليها هتحلها

ولما بندور هل طريقة التفكير دي ساعدتنا نصلح الحاجات دي ؟
بتكون الاجابه غالبا لا

نفسنا زي طفل صغير عاوزين نساعده
لو فضلنا رابطين حبنا ليه بتصرف معين هيفتقد الاحساس بالامان وغالبا مش هيكون زي ما احنا عاوزين
لكن لو اديناله حب غير مشروط مع نفس المحاولات هتكون النتيجه هايله

الحقيقه طول ما حب النفس مربوط بحاجات
هيفضل مربوط طول عمره ومهما حققنا من حاجات عمرنا ما هنوصل للحب ده ابدا
وهنفضل كل ما نحقق حاجه نحس ان لسا شويه ونحبها
ونجري ورا حاجه تانيه علشان لما نحققها نحبها
والحقيقه ان عمرنا ما هنحبها لو حصلت حاجه
الا لو حبيناها من غير ما تحصل ولا حاجه

[Ramez5]

ميرسى للموضوع الجميل
ربنا يبارك خدمتك

[walaa farouk]

ميرسي على الموضوع الرائع

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى