عارف يارب
فيه سر أنا مخبيه عليك
بس أنت عارفو
أنا مره حد سألنى عليك !
وقولت مش عارفو
ولما سمعت صوت الديك
عملت مش شايفو !
وقبليها بيعتك بالفضه
وسلمتك بكام سحتوت
وماستحملتش الخضه
فقولت أريح نفسى وأموت
غلطت كتير انا فى حقك
وخجلان أرفعلك عينى
تقربلى وأنا أزقك
وجاى دلوقتى تفدينى
ده أنا لو كلب كان عاشلك
حياته كلها خدام
أموت وأفهم سبب عشقك
وحبك ربى للإنسان !
وبعد ده كله أتوه وأهرب
وأقع فى البحر زى يونان
ساعتها تكون إيديك أقرب
من البحر اللى كان هيجان
وتمسك إيدى المبلوله
وترفعنى بكل حنان
وألقى البيبان المقفوله
اتفتحت من كل مكان
فبخرج وأجرى من عندك
وبرجع تانى وأنا فرحان
ولما بتسئل عنك
بقول ماعرفش زى زمان !
