تعرف يعني إيه البنت بتحبك ؟! ..

[walaa farouk]

تعرف يعني إيه البنت بتحبك ؟!
..
يعني أول ما بتقوم انت أول صوت بيكون واحشها و نفسها تسمعه ،،، و قبل ما تنام بتفتكر كل كلمة حلوة قولتهالها و تاخد المخده في حضنها وتضحك .. وتجري ع الحلم عشان تشوفك
..
يعني لما بتتقل عليك بتكون عايزاك تدلعها....تقولها كلام حلو..تجيبلها حاجة بسيطه تفرحها...أي حاجة بس المهم إنك تحسسها إنك باباها و تهتم بيها
..
يعني لو شمت خبر إنك كلمت واحدة غيرها ، تتجنن وتتنرفز و تبقي عايزة تمسك في زمارة رقبتك....وفي عز ما بتكون متعصبه ، يادوب أول ما بتقولها بحبك .. تهدا اوي و تبقي عايزه تدمع ف حضنك
..
يعني بتبقي عايزه تعمل أي حاجة تبسطك .. تكلمك كتير، تاخد بالها من نفسها، تلبس أحلي طقم عندها ، لو رفيعة تبقي عاوزه تتخن عشانك ! .. لو تخينة تبقي هتموت وتخس برضه عشانك ! ... خد بالك م الحاجات دي و حسسها إنك بتحبها زي ما هي
..
يعني لو زعلانة منك هتقولك كلام و هي تقصد غيره خالص ، مثلآ
(كويسة يعني محتجالك)
و (إزيك يعني واحشني موت)
و( مخصماك يعني بحبك اوي)
..
البنت لما تحب بجد ، حبيبها بيبقي كل دنيتها ...
من حقها عليك إنك تحبها أكتر ... و هو ده الحب
♥

"

[Rena Jesus]

جميله جدا
ميرسى ربنا يفرح قلبك

[اوفا]

ربنا يعوضك

[Mary Naeem]

مشاركة جميلة جدا

ربنا يبارك حياتك

[walaa farouk]

رينا
اوفا
مارى
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك