(( .. تحمل تجاهي كل هذه الشكوك و على الرغم من ذلك قررت مكاشفتي بالحقيقة فلماذا؟
لأن منح الثقة والاستسلام للآخر و التخلي عن كل الحواجز و الأسوار هي أصدق طريقة لنقول للآخر إننا نحبه... )) ...
" جيلبرت سينويه "
الموضوع بيبتدي لما الأنسان بيكون طفل و يكون المطلوب عشان يقدر يعيش في سلام داخلي هو الثقة في اللي حواليه ,
فمش من الطبيعي ان الشخص يعيش في حذر و قلق مستمر ..
بس نظرا ان الواقع مش كدة ,
فيبتدي الطفل يدرك ان مش كل الوعود حقيقة أو كل الأراء اللي متنبيها عن الأشخاص عبارة عن صح مطلق و يدخل الشك او ضعف الثقة قاموس الطفل ده ...
واحدة واحدة , يبتدي يوصل للصيغة الحتمية للحياة و اللي بتكون زي شهادة علي نضوجة و قدرته علي الاستمرار في عالم الكبار
و هي ان الثقة العمياء مينفعش تكون شرط اساسي في التعاملات الإنسانية ولحد هنا ده طبيعي جدا ,
لكن المشكلة لما عدم الثقة ديه يتحول لهوس أو خوف مرضي من الثقة في الأخر الـ Pistanthrophobia ..
الـ Pistanthrophobia مش مجرد أنت مش بتثق في الناس ,
لا ده أنت عندك عائق نفسي صعب في اقامة اي رباط ثقة مع اي حد ..
فمجرد فكرة أنك تسلم مفتاح سلامك الداخلي لاي حد و لو حتي كانت مدي قرابته ليك شديدة , فكرة مرعبة !!
فحتي أحبابك في صورة مشوهة جواك أنهم ممكن يخونك في اي لحظة ... فالشخص اللي بيعاني من الـ Pistanthrophobia مشاكله مش انه مش بيسعي للحب ,
لا ده بيكون للجعان للحب بس مش قادر يتجاوب معاه ...
و الحقيقة إن مفيش أعظم من الثقة عشان تعبر عن الحب ..
cpd
