|
 |
 |
 |
|
رقم المشاركة : ( 1 )
15 - 10 - 2016, 06:48 PM
|
|||||||||||
|
|||||||||||
|
فلان صاحبنا (المؤمن) معُجب بصاحبتنا فلانة (المؤمنة) ومش عارف يدخل يصارحها ازاي، فا بيبتدي يصلي شوية (حوالي ١٠ دقايق مش اكتر) ويحس براحة جواه (كالعادة).. فا يقوم يعمل ايه.. يدخل بكل ثقة وبرود كدة يرزعلها الكلمتين دول.. "أنا ربنا حركني ناحيتك.. ربنا قاللي ارتبط بيكي.. ربنا كلمني عليكي وقالي اجي اتقدملك.. ربنا قالي انتي المختارة ليا ".. وشوية ايات على كلام روحي مزوق زي الفل والبنت ياعيني ماتقدرش ترد عليه، أصل ربنا قاله! وبما أن صاحبنا ده مؤمن وخادم و (ربنا قاله هاجوزهالك).. يبقى ازاي فلانة تعترض؟ ازاي تراجع ورا كلام ربنا؟ ازاي تبص على شخصيته أو تشوف التوافق بينهم؟ ما ربنا خلص الموضوع خلاص.. ما ربنا قاله دي عروستك.. ولا هاتعترضي على كلام ربنا؟ وكل ده مع العلم أن الفرق المادي او الاجتماعي او حتى فرق السن بينهم بيبقى كبير بطريقة بشعة.. والشخصيتين مش راكبين على بعض ومفيش اي نوع من انواع التوافق نهائي.. وكمان مفيش حب أو علاقة عاطفية تسند.. يعني جوازة فاشلة وباينة اوي من قبل ما تبدأ.. لكن مانقدرش نقول كلمة.. أصل (ربنا قاله).. !! وبغض النظر عن كم الكذب والمرض النفسي اللي عند فلان (المؤمن طبعاً)، وبغض النظر عن انها توريطة روحية وتدبيسة في جوازة بس بطريقة شيك. لكن اللي فارق معايا بجد هو "ربنا".. بقى يتجاب اسمه في اي حاجة عايزين نعملها أو نخلي اللي قدامنا يعملها على مزاجنا.. بقى يتقال على لسانه كلام كتير مقالوش، بقينا نحشر اسمه في كل حاجة وناخد مباركته (بدون موافقته) على كل سكة بنمشيها.. بقينا بنسرق اسمه ونحطه على اختياراتنا الغلط وكأنها اختياراته.. واهي ماشية.. واهو الناس بتصدق.. واهي الجوازة بتكمل.. واهو الخدمة بتكبر.. واهو الناس مبسوطة.. كل ده عشان بس فلان حس ان ربنا قاله.. و ربنا بعيد جداً عن كل العك ده.. ! من الاخر.. ربنا مش شغال "خاطبة" يا جماعة.. ربنا مش بيلغي عقلنا واختياراتنا في الجواز.. ربنا مش على مزاجنا نلزق اسمه في كل حاجة.. ربنا مش هايجيبلك فلانة يقولك دي مراتك، او يشاورلك على فلان يقولك ده جوزك.. افصلوا وقدسّوا اسمه، ابعدوه عن العك والاختيارات البشرية بتاعتكوا.. اختاروا وتحملوا نتيجة اختياركو.. بلاش كذب.. وبلاش تلزيق في اسم ربنا وخلاص. الخلاصة يعني يوم ما تسمعي "أنا ربنا قالي ارتبط بيكي" من اي حد (حتى لو خادم)، ابعتيله رقم دكتور نفسي يقعد معاه بسرعة.. أو اعمليله بلوك اسهل 😅 #ارحمنا_يارب 
|
|
15 - 10 - 2016, 07:27 PM
|
رقم المشاركة : ( 2 ) | ||||
|
..::| الاشراف العام |::..
|
رد: اختاروا واتحملوا نتيجة اختياراتكم
صح جدا ميرسى ربنا يفرح قلبك
|
||||
|
|
|
15 - 10 - 2016, 08:32 PM
|
رقم المشاركة : ( 3 ) | ||||
|
..::| الإدارة العامة |::..
|
رد: اختاروا واتحملوا نتيجة اختياراتكم
ميرسي على مرورك الغالى رينا
|
||||
|
|
|
16 - 10 - 2016, 09:14 AM
|
رقم المشاركة : ( 4 ) | ||||
|
† Admin Woman †
|
رد: اختاروا واتحملوا نتيجة اختياراتكم
ربنا يبارك حياتك |
||||
|
|
|
16 - 10 - 2016, 06:43 PM
|
رقم المشاركة : ( 5 ) | ||||
|
..::| الإدارة العامة |::..
|
رد: اختاروا واتحملوا نتيجة اختياراتكم
ميرسي على مرورك الغالى مارى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اختارنا الصمت |
| اختاروا رقم من 1 الى 20 |
| لو سمحتوا اختاروا صح |
| السيسي لـ«المصريين» «اصمدوا واقفوا واتحملوا .. الخير جاي» |
| الاطباء احتاروا |
العرض العادي
