ناس كتير شايفة انى جواز الصالونات حوار فاشل ... انا راى مفيش حاجة اسمها جواز حب ناجح وجواز صالونات فاشل .ياما جوزات عن حب وفشلت واتهدمت بيوت وياما جوزات صالونات نجحت وكانت قوية .. الموضوع مش فى انى اجوز ازاى قد ماهو اختيارتنا هى اللى شكلها عامل ازاى .. ياما ناس كتير اتجوزت عن حب وبعدها فشلوا لانهم معرفوش يكملوا اسس الحب الصح ، بمعنى انى كتير ناس فى اول الارتباط بترتبط وتحب وتبتدى تتغاضى عن عيوب شيفاها كتير وباينة انها متبنيش بيت واولها بتبقى عدم التفاهم وحاجات كتير وتفضل مكملة تحت مسمى الحب ومع اول مشكلة بعد الجواز هتسمع بقى كلام كتير كان المفروض يتشاف من الاول .. انا استحملت فيك او فيكى كذا وكذا علشان بحِبك او بحَبك وهكذا او ناس تضحى وتقول انشالله اجوز فى اوضه وصالة ومن غير ومن غير ومع اول حاجة تشتغل اسطوانة التعيير بقى دنا ضحيت علشانك وعملت وعملت .. وده علشان الناس ديه بصيت على حاجة واحدة وهى وقتها بس . يعنى فى وقتها وهى بتحب بس مبصتش على قدام على العشرة وعلى انى فى حاجات كتيرة لازم تكون موجودة ترسخ الحب ده ميبقاش هاش بس بمشاعر جيافة فى وقتها بس.. اه فى مثل بيقولك حبيبك تبلعلوا الزلط تمام مش هقول لا صح بس فى يوم ما يكتر الزلط هتقع من حمله التقيل و ده مش معناه انى الجواز عن الحب بيفشل لا خالص لكن فى ناس فاهمة معناه وقادرة تحافظ عليه وفى ناس متعرفش تعيشه الا فى وقتها بس .. زى جواز الصالونات مهواش غلط انك تعد مع حد وتشوف عقليتكم بتتفق سوى مع بعض بترتاحوا لبعض فى الكلام فى التعامل فكك من حوار الناس اللى بتيجى تحس انها بتعاين بضاعة ديه نوعية ناس رخيصة مريضة .. لكن فى حاجة اسمها ارتياح فى الكلام وعلى فكرة المشاعر هتيجى هتيجى قبل الجواز كمان لانى مفيش حد بيتعامل ومبتتحركش مشاعره.. الارتباط مهواش نظرة اننا نكمل بعض لانى مفيش حد ناقص علشان التانى يكملوا ربنا مخلقش حد ناقص فينا لكن خلقنا معينين لبعض فى الطريق ومشوار الحياة الطويل بينا نكون سند وعكاز لبعض كل ما بنكبر يوم عن يوم من عمرنا .. انا اتخلقت من ضلعك يا ادم علشان اكون مسئولة منك وانا وانا ك حوا اتخلقت علشانك علشان اكونلك معينتك فى حياتك .. 💑
13 - 10 - 2016, 10:08 PM
رد: جواز الصالونات
العرض العادي
