|
 |
 |
 |
|
رقم المشاركة : ( 1 )
12 - 10 - 2016, 02:44 PM
|
|||||||||||
|
|||||||||||
|
لمعت عينيه قوى .. وهو بيفكر ياخد كام وقعد يفكر .. اصلها صيدة كبيرة .. ولازم يطلب براحته قال لهم .. طب انا هاخد مالآخر .. 30 قالوا له .. ماشى كلامك .. بس هتسلمه لنا ازاى قال لهم انا عارف مكانه يعنى هو هيروح فين .. ماهو اصلا مالهوش بيت ولا عنده حتة يسند فيها راسه انا هاخدكم المكان اللى هو فيه ولما اوصل هناك واقرب منه .. هاروح ابوسه وهى دى العلامة قالوا له ماشى كلامك وخد الـ 30 .. وخرج بيتنطط من الفرحة بالفلوس وطلع على البستان .. وهم وراه واول ما شافه .. راح قرب منه لقاه زى عادته .. صوته هادى .. وملامحه كلها حنية ولسة هيسلم عليه .. لقاه بيقول له .. ايه بس اللى جابك يا صاحبى كلمته كانت زى السيف .. رنت فى ودانه .. خليته سرح فى كل اللى عاشه وشافه معاه وافتكر كلمته كانت بتعمل ايه قبل كدة ايها الشاب .. لك اقول قم .. يا صبية .. قومى .. لعازر .. هلم خارجاً .. اتريد انت تبرأ؟ من لمسنى؟ اعطوهم انتم ليألكلوا .. ايمانك قد شفاك .. وبعد ما سرح .. افتكر الـ 30 .. وراح بص له وقرب منه .. وحضنه وباسه زى انهاردة من اكتر من 2000 سنة حصل الموقف ده ولو فاكر انه موقف وعدى .. تبقى غلطان عشان هو لسة لغاية انهاردة مش لاقى حتة يسند فيها راسه ولو بتقول ان الـ 30 فضة كانوا مبلغ رخيص خليها فى سرك .. انت ساعات بتسلمه بأرخص اقولك على حاجة .. كل ده مش مهم لسة فيه فرصة انك ماتسلمهوش لسة ممكن تروح له البستان وتقرب منه وتبوسه .. وتقول له ماتزعلش وعلى فكرة ممكن تقول له .. كتفى فاضى .. لو عايز تسند راسك ولو مش عارف تفضى قلبك عشان يسكن فيه افتح له الباب بس هو عارف هو هيعمل ايه على فكرة هو ممكن يدخل من غير ماتفتح له بس هو اصله بيفهم فى الاصول ومابيحبش يدخل حياتك غير لما انت تسمح له 
|
|
العرض الشجري