أنت رسالة ربنا

[walaa farouk]

(جواب المسيح للعالم)
الكتاب 2 كورنثوس 3: 2 – 3
"أَنْتُمْ رِسَالَتُنَا، مَكْتُوبَةً فِي قُلُوبِنَا، مَعْرُوفَةً وَمَقْرُوءَةً مِنْ جَمِيعِ النَّاسِ. ظَاهِرِينَ أَنَّكُمْ رِسَالَةُ الْمَسِيحِ، مَخْدُومَةً مِنَّا، مَكْتُوبَةً لاَ بِحِبْرٍ بَلْ بِرُوحِ الإله الْحَيِّ، لاَ فِي أَلْوَاحٍ حَجَرِيَّةٍ بَلْ فِي أَلْوَاحِ قَلْبٍ لَحْمِيَّةٍ."

لما تدرس كلمة ربنا، مُهم إنك ما تفوتش النقط اللي روح ربنا عايزك تلقطها. يعني مثلاً حقيقة مُهمة وقوية جداً قالها الرسول بولس في الشاهد النهاردة: أنت رسالة المسيح، مكتوبة بروح ربنا. ده معناه إيه؟ ده معناه إن أنت رسالة ربنا للعالم – أنت كلمته! هللويا! بولس قال إن أنت كلام المسيح؛ وده معناه إن أنت رسالته. عشان كده يسوع قال أنتم نور العالم. ربنا بيستخدمنا عشان يدي رسائل للعالم كل يوم؛ عشان كده أنت مُميز!

يوحنا كتب عن يسوع، "… وَالْكَلِمَةُ صَارَ جَسَدًا وَحَلَّ بَيْنَنَا، وَرَأَيْنَا مَجْدَهُ، مَجْدًا كَمَا لِوَحِيدٍ مِنَ الآبِ، مَمْلُوءًا نِعْمَةً وَحَقًّا." (يوحنا 14:1). لما في أيام الكتاب شافوا الرب يسوع، كانوا شايفين الكلمة بتمشي، بتتكلم وبتعيش وسطهم. وده سبب إنهم سمُّوه "عمانوئيل" معناها "الإله معنا!" وقتها، أي حد كان عايز يعرف ربنا ده إيه كان بيبص على يسوع.

لكن النهاردة، في العهد الجديد، اللي عايز يشوف كلمة ربنا عايشة لازم بيصلك! أنت رسالة المسيح النهاردة. فلما تدرس العهد الجديد، أنت بتبص على نفسك. يمكن ما توافقنيش، لكن يعقوب 18:1بيقول، "شَاءَ فَوَلَدَنَا بِكَلِمَةِ الْحَقِّ …" وده معناه إنك مولود من كلمة ربنا. إذا كنت مولود من كلمة ربنا، يبقى أنت والكلمة واحد. يسوع هو الكلمة اللي صار جسداً. وأنت نسل كلمة ربنا. يبقى أنت مين؟ الكلمة – رسالته! مجداً للرب!

ادخل للعمق:
"وَنَحْنُ جَمِيعًا نَاظِرِينَ مَجْدَ الرَّبِّ بِوَجْهٍ مَكْشُوفٍ، كَمَا في مِرْآةٍ، نَتَغَيَّرُ إِلَى تِلْكَ الصُّورَةِ عَيْنِهَا، مِنْ مَجْدٍ إِلَى مَجْدٍ، كَمَا مِنَ الرَّبِّ الرُّوحِ." (2 كورنثوس 18:3).

"مَوْلُودِينَ ثَانِيَةً، لاَ مِنْ زَرْعٍ يَفْنَى، بَلْ مِمَّا لاَ يَفْنَى، بِكَلِمَةِ الإله الْحَيَّةِ الْبَاقِيَةِ إِلَى الأَبَدِ." (1 بطرس 23:1).

اتكلم
أنا مش شخص عادي؛ أنا رسالة المسيح. لما تشوفني، تشوف كلمة ربنا ظاهرة. أنا رسالة مقروءة من كل الناس، وبسببي، ناس كتير هتيجي لمعرفة المسيح! مجداً للرب!

[Rena Jesus]

ميرسى ربنا يبارك تعب محبتك

[Mary Naeem]

مشاركة جميلة جدا

ربنا يبارك حياتك

[walaa farouk]

رينا
مارى
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسي على مرورك الغالى مينا