في ناس عضلاتها في لسانها
وناس " سفالتها " راس مالها
وناس ان جتها فرصة موت
لمسكت فيها بسنانها
وناس الكسرة عنوانها
وناس صُحبتْها احزانها
وناس حبر الحياه الأسود
مفيش غيره ف الوانها
وناس قوتها بسمتها
وناس شهامتها في قيمتها
لأخر لقمة تلقاها
بكل محبة قسمتها
وناس عايشه بدون تفكير
وناس موتها ملوش تأثير
وناس من كتر احلامها
مفيش ولا حلم ليه تفسير
وناس تانيه وناس تالته
وناس بادئه وناس تابته
وناس نافرة من العيشه
وناس رغم الوجع ساكته
مايكل سامي
