هيكلك قرب يتهد
ولغيرك عمال بتشد
شوية كمان وهضيع بجد
محتاج بسرعة ايدك تتمد
ما بقاش يسترنى ورق الشجر
قلبى اللحم بقى حجر
وبقيت شجرة من غير ثمر
جوايا الشوك خنق الورد
مش قادر اتحمل اى تجارب
ولا عندى قوة عشان أحارب
انا واليأس بقينا حبايب
وإهمال بقى مالوش حد
سيبتك وتهت وسط الغابة
حياتى بقيت مليانة كآبة
واتبنى بينى وبينك سد
حيران وغرقان فى الهموم
بضيع منك يوم بعد يوم
وقعت خلاص مش قادر أقوم
مشلول ومذلول على الأرض
بتخرج من الجافى حلاوة
والتعبان بين ايديك يتداوى
انا عارف ليا عندك غلاوة
الحقنى وابنى إللى اتهد
