|
 |
 |
 |
|
رقم المشاركة : ( 1 )
06 - 10 - 2016, 11:21 AM
|
|||||||||||
|
|||||||||||
|
أعمل ايه لو ابني صوته عالي ؟ ـــــــــــــــــــــــــــــــــــــــــــــــــ ◘ هل ابنك صوته بيعلى لما يبقى فرحان أو خايف ؟ في التجمعات ؟ في الأماكن الجديدة عليه ؟ • لو علو الصوت مرتبط بوقت أو نشاط أو مكان معين ، يبقى الحل عندك إنك تساعده إنه يعبر عن اللي جواه بطريقة تانية غير الصوت العالي بأي من أشكاله بطريقة يصرف بيها طاقته و يعبر بيها عن الفرح الخوف الرهبة أو الانزعاج. ◘ هل إبنك يعرف يفرق بين "صوت عالي" و "صوت مش عالي" ؟! • بعض الأطفال مبيعرفوش يفرقوا بينهم ، بالتالي ده محتاج مساعدتك إنك تعرفه الفرق ، وايه الصح فيهم وايه الغلط ، مثلا اعمل قايمة فيها مثلا حيوانات و قلد صوت كل حيوان (فكــر كطفل : صوت بيبي ، صوت الغول ، صوت العصفورة إلخ ... وضم معاهم صوت حاجة عالية وعرفه إنه صوت مزعج محدش بيحب يسمعه ، و صوت هادي و عرفه ان الكل بيحب يسمع الصوت ده) • بعدين ابتدي اعمل الأصوات دي قدامه و خليه يحكم الصوت ده عالي ولا لأ ؟! صح اتكلم بيه ولا غلط ؟ إمتى أتكلم بصوت عالي وإمتى أتكلم بصوت واطي؟! ◘ ابنك صوته بيبقى "مبحوح" كتير ؟! • في الحالة دي لازم تهتم بالموضوع ده ولازم تعلمه إنه غلط الصوت العالي لأن ده اسمه "Vocal abuse" و ده ممكن يعرض الأحبال الصوتيه عنده لحالة مشهورة عبارة عن تكون كتلة فوق الأحبال الصوتية نتيجة اجهادها و ده كتير بيتطلب تدخل طبيب الـ ENT (أنف وأذن و حنجرة) بالإضافة أنه بيحتاج علاج تأهيلي بعد كده لتدريب الصوت مرة تانية ... فـ الوقاية خير من العلاج ـــــــــــــــــــــــــــــــــــــــــــــــ 
|
|
العرض الشجري