|
 |
 |
 |
|
رقم المشاركة : ( 1 )
13 - 09 - 2016, 03:43 PM
|
|||||||||||
|
|||||||||||
|
من فترة لما لاقيت يوسف وسمية بيحبوا يلعبوا بالتابلت بتاعي , سبتوا ليهم في البيت بعد ما حملت عليه ألعاب كتير وبقيت بامشي بموبايل عادي , لأني غالبا استخدامي للموبايل استخدام بدائي تقليدي , مجرد مكالمات ورسايل عادية وخلاص فمافرقش معايا أوي وكان اتفاقي مع يوسف وسمية انهم يلعبوا مناصفة من غير ماحد يظلم التاني بعد فترة لاحظت كل ما أرجع من الشغل إن يوسف بيلعب بالتابلت وسمية قاعدة بتتفرج عليه كل الألعاب إللى على التابلت بقت ألعاب صبيان والباقي اتمسح والغريبة ان سمية كانت مبسوطة جدا وماجتش تشتكي ليا ان يوسف بيمنعها من اللعب النهاردة ندهت سمية وسألتها - سمية يا حبيبتي هو انتي مش بتلعبي بالتابلت ليه زي يوسف ؟ - بالعب يا بابا - ازاي ده أنا ماشوفتكيش بتلعبي مرة ! قربت مني توشوشني - أنا باستنى يوسف لما ينام وباقعد ألعب شوية بصتلها لاقتها بتقولها بفرحة حقيقية كأنها منتصرة مش مغلوب على أمرها الحقيقه قلبي وجعني جدا من الطيبة إللي اتكلمت بيها , فإتنرفزت وندهت يوسف أزعقله , ولما جه وباقوله انت ليه مش بتخلي اختك تلعب لاقيت سمية بتقف بيني وبينه تهديني وبتقولي - لا يا بابا ده أول امبارح اداني التابلت ألعب شوية قلبي وجعني عليها أكتر , فطلبت منها تخرج بره وقعدت مع يوسف - انت ليه مش بتلاعب اختك يا يوسف - يا بابا هى مش بتطلب - خالص ! ,,, مش بتطلب خالص ! - أه ,,, هى بس بتيجي تقف جنبي تتفرج ومش بتطلب حاجة بعدها ندهت لسمية - يا حبيبتي انتي ليه مش بتطلبي تلعبي بالتابلت ؟ - ما أنا باستناه يخلص لعب - وطلبتي منه تلعبي ؟ - لأ ,,, هو لو اداني التابلت بالعب بيه حضنتها وحضنت يوسف وطلبت منه يلعب فترة معينة وبعدها يسيب التابلت فترة زيها لسمية من غير ما تطلب , وإلا هاحرمه من اللعب بعدها افتكرت دراسة كنت قرأتها عن الفرق بين سيكولوجية الرجل والمرأة , إن الرجل اتجاه تفكيره مستقيم , ماعندوش حاجة اسمها تلميح الراجل لو عايز حاجة بيطلبها ,,, عايز يلعب بيقولها مباشرة " بابا أنا عايز ألعب" , عايز ياكل بيقولها مباشرة " أنا جعان " في حين إن المرأة بفطرتها اتجاهها في التعبير عن حاجتها مش بيجي بشكل مباشر لما سمية كانت بتروح تقف جنبه تتفرج عليه , هى هنا كانت بتقوله بشكل غير مباشر "أنا نفسي ألعب" ,,, لما زوجتك تسألك " فاكر لما اتفسحنا أخر مرة , كانت خروجة حلوة أوي " هى هنا بتقولك بشكل غير مباشر "أنا نفسي أخرج" ,,, وهكذا وبقدر وجع قلبي على سمية بقدر ما قعدت أفتكر كام رسالة مافهمتهاش من زوجتي وبقدر ما الأمر مربك جدا لينا كرجال لاختلاف طريقة تفكيرنا بقدر ما إننا لازم نفهم إن المرأة ربنا خلقها كدة ,,, ولازم نتعامل معاها على الأساس ده , علشان ما نسببش حزن وهم في البيت وعند المرأة علشان ما حاولناش نفهمهم كويس cpd 
|
|
16 - 09 - 2016, 11:08 AM
|
رقم المشاركة : ( 2 ) | ||||
|
..::| الإدارة العامة |::..
|
رد: قعدت أفتكر كام رسالة مافهمتهاش من زوجتي
ميرسي على مشاركتك الجميلة
|
||||
|
|
|
16 - 09 - 2016, 12:38 PM
|
رقم المشاركة : ( 3 ) | ||||
|
† Admin Woman †
|
رد: قعدت أفتكر كام رسالة مافهمتهاش من زوجتي
مشاركة جميلة جدا ربنا يبارك حياتك |
||||
|
|
|
17 - 09 - 2016, 08:38 AM
|
رقم المشاركة : ( 4 ) | ||||
|
..::| الاشراف العام |::..
|
رد: قعدت أفتكر كام رسالة مافهمتهاش من زوجتي
ميرسى لمروركم الغالى
 |
||||
|
|
|
17 - 09 - 2016, 06:42 PM
|
رقم المشاركة : ( 6 ) | ||||
|
..::| الاشراف العام |::..
|
رد: قعدت أفتكر كام رسالة مافهمتهاش من زوجتي
ميرسى لمرورك الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| في قعدة صفا |
| أفتكر عمله معك |
| قعدت وحدى افكر |
| قعدة |
| ترنيمة مرة قعدت أفكر |
العرض العادي
