فاكرة ايام ثانوى؟!!

[walaa farouk]

طيب فاكرة درس الفيزيا و رخامته؟
طيب فاكرة قعدتك مع العيال صحابك يومها .. و خناقتك مع اخوكي عل ريموت؟!!
.
عارفة عدي كام سنة من ساعتها؟
خمستاشر ولا عشرين؟
ياااه ازاي عدوا بسرعة كدة؟
اكننا نمنا و صحينا .. طيب عارفة بأة لو نمنا و صحينا كمان مرة كدة هنلاقي ايه ..
او مش هتلاقي ايه؟
.
مش هتلاقي حد يشخبطلك عل حيطة ..
ولا يلغوص نفسه بالشوكولاته عند الناس ..
و مش هتلاقي حد يخبط في رجلك وانتي نايمة طول الليل ..

و لما تدخلي اوضتهم مش هتدوسي علي اللعب الصغيرة اللي بتوجع الرجل ..
ولا هيعيطوا عليكي وانتي خارجة بعد منيمتيهم ..
مش هيطلعوا عينك وانتي خارجة عشان مش هتنقيلهم لبسهم تاني ..
و مش هيشبطوا في كل حاجة فل سوبرماركت ..
.
ده يمكن حتي ميرضوش يخرجوا معاكي عشان خارجين مع اصحابهم ..
حتي رغيهم اللي كان بيعملك صداع مش هيبقي ليكي ..
هيبقي مع اصحابهم في التليفون ..
.
مش هقولك لو نمتي و صحيتي تاني ممكن يحصل ايه ..
لو #حظك حلو و مسافروش بره يمكن تشوفيهم مرة في الاسبوع ..
.
بس اعملي حسابك هيبقوا مستعجلين عشان #تمارين الاولاد ..........
.
. الحقي استمتع بيهم دلوقتي و متفوتيش #ضحكة ولا #كلمة طلعة ملخبطة ..
ولا حتي #صورة تلحقي تخطفيها قبل ما يجروا يكملوا لعب ..
.
اصل الصور دي اللي هتفكرنا بالايام الحلوة اللي احنا فيها قبل متعدي بسرعة

[Mary Naeem]

ربنا يبارك حياتك

[Rena Jesus]

ميرسى ربنا يفرح قلبك

[MenA M.G]

موضوع مميز .. مشاركة رائعة
ربنا يبارك خدمتك

[walaa farouk]

مارى
رينا
مينا
ميرسي كتير على مروركم الغالى

[marit jesus]

ربنا يفرح قلبك

[ميرو]

اياااااااااااام هيييييييييييه

[walaa farouk]

ماريت
ميرو
ميرسي كتير على مروركم الغالى