مباشر | مانويل جوزيه يعقد مؤتمرًا صحفيًا للحديث عن مشروعه في مصر

[MenA M.G]

عقد البرتغالي مانويل جوزيه، المدير الفني الأسبق بالنادي الأهلي، مؤتمرًا صحفيًا اليوم الثلاثاء، من أجل الحديث عن مشروعه الذي يقوم به في مصر، من خلال نادي نجوم المستقبل.



فعاليات المؤتمر الصحفي.

-حضور مانويل جوزيه برفقة محمد الطويلة، رئيس نادي نجوم المستقبل.

-وائل جمعة وهادي خشبة ضمن الحاضرين في المؤتمر الصحفي.

-اسلام الفار، لاعب نجوم المستقبل والمنتقل حديثًا للنادي الأهلي، أيضًا ضمن الحاضرين.

-سفيرة البرتغالي في مصر، مادلينا فيشر، حرصت على التواجد وتقديم الدعم لمواطنها.

- مهاب الطويلة: مانويل جوزيه واحد من أعظم الشخصيات الرياضية في مصر.

-محمد الطويلة: نادي نجوم المستقبل يقوم بمراحل عديدة للاعبين حتى يخرجوا للاحتراف، ولهذا تعاقدنا مع واحد من أعظم المدربين الذين عملوا في مصر، واللي حبب المصريين في الكرة.

-محمد الطويلة عن مانويل جوزيه: الراجل ده ملتزم جدًا ولديه رغبة كبيرة أن يقدم لمصر جزء من الشعبية اللي خدها من المجتمع المصري.

-محمد الطويلة: جوزيه جاي بالمساعد بتاعه مستر فيدالجو، وهيكون متواجد معنا كمستشار أربعة أيام في الشهر.

- جوزيه: اليوم استعدت ذكريات جميلة بحضور المؤتمر الصحفي ده، بشكر السفيرة البرتغالية على الحضور.

- جوزيه يروي: هوضح سبب سريع سبب عمل أكاديمية كرة في مصر، لدي رغبة كبيرة أن أوجه رسالة شكر للشعب المصري وكل الجماهير سواء من الأهلي أو الزمالك، بحس إني جزء من الشعب وبنتمي ليه.

- جوزيه: أنا عمري ما كنت مغرور، بس عندي فخر بنفسي وده شيء طبيعي ومكانش عندي مشاكل مع أحد سوى بعض الصحفيين.

- جوزيه: لاعبو الكرة في مصر، لديهم إمكانيات هائلة، ولكن فقط ينقصهم اللاعب الجماعي، لان اللاعب المصري لاعب فردي.. وعشان اللاعب المصري ينجح لازم نغير عقلية الأولاد دي، ولذلك نسعى لتطوير عقلية عدد من اللاعبين ونجعلها أكثر إحترافية.

- جوزيه: سبق وأن عملت في فريق الناشئين بنادي سبورتينج لشبونة، وكان رونالدو عنده 13 سنة، أنا علاقتي بتكون جيدة مع الأولاد في السن ده.

- جوزيه: تم التوقيع على عقد لمدة 5 سنين مع محمد الطويلة حاليًا، ومبسوط ولكن مش عارف الفترة القادمة هنكون كده ولا لأ.

- جوزيه: فيدالجو (مساعده) سيكون متواجد 8 شهور خلال العام، والمشروع سينطلق بداية من 1 أكتوبر المقبل.

-جوزيه: عندي 56 عام من الخبرة في مجال الكرة، ولدي الإمكانية إنني أنقل الخبرات اللي عندي لأجيال قادمة تفيد مستوى الكرة المصرية بشكل عام.

- جوزيه: حابب أشكر الصحافة والاعلام واتمنى أننا نكون موفقين وسعداء بدعمهم، ومساعدة استخراج لاعبين يكون لديها قدرة على تمثيل الكرة المصرية في الخارج.

- جوزيه: المبلغ الذي سأتقاضاه نظير هذا المشروع سيتم التبرع به كاملًا لمشاريع التضامن الاجتماعي.

- جوزيه: لن نهدف للتغيير الكامل في كرة القدم المصرية، ولكن سنركز فقط على عقلية اللاعب، لان اللاعبين لازم يكون عندهم إلتزام ويكونوا على علم ازاي يلعبوا مع فريق.

- جوزيه: بعد الشغل اللي هيتعمل مع الأولاد دي، نتمنى يبقى في نتيجة طيبة، لكن لازم نشتغل بحب وسعادة عشان ننجح ، لأن هذه الأساليب هتسمح للاعيبة بقفزة احترافية.

- محمد الطويلة: لما يكون عندنا وزير للشباب والرياضة عنده خطة للكرة المصرية ده شيء ايجابي وأنا بشكر وزير الشباب والرياضة، جوزيه أعجب بمركز شباب الجزيرة والمركز الأوليمبي ايضا لازم نستغل الأماكن دي.

- محمد الطويلة: مركز شباب الجزيرة هيدخلها فلوس من ورا المشروع ده.

- محمد الطويلة: اتحاد الكرة لغى مواليد 93 - 94 - 95 وأنا استغربت من الأمر ده، عشان كده كان لينا رؤية في الموضوع ده من خلال هذا المشروع وبقول لأبو ريدة لازم توسع القاعدة.

- جوزيه: الروح التنافسية دي أهم حاجة في اللاعب، ولا ننسى أن ميسي راح برشلونة وهو عنده 12 سنة وكريستيانو طلع من جزيرة ماديرا لسبورتينج وكان صاحب 11 عام.

- جوزيه: في البرتغال عندنا أهم مراكز اللاعبين في سبورتينج لشبونة ومنتخب البرتغال بطل اليورو كان منهم 10 من ناشئين سبورتينج.

- جوزيه: الشغل الفني والخططي مهم ايضا وطريقة اللعب وخطة اللعب، لازم اللاعب يعرف أنه لازم يكسب.

- محمد الطويلة: هناك مئات الاكاديميات في مصر، عشان كده لما جيبنا جوزيه كان عندنا مشلكة لأن أي إداري ممكن يعمل اكاديميات، عشان كده كنا عايزين أكاديمية مانويل تكون مختلفة ونفهم الناس كده، وفكرنا نسميها "اكادميكا" بالبرتغالي.

- جوزيه: هنشتغل مع اللاعبين عشان نغير فكرهم الذهني أيضًا، أنا بأكد مرة أخرى مش جاي أغير كرة القدم المصرية ده المشروع لمدة 5 سنين فقط إحنا هنغير عقلية بس.. هدفنا اننا نطلع مجموعة لاعبين محترفين.. هما بيسموني الساحر هنا لكن الحقيقة ان أنني ليس لدي عصاه سحرية.

- محمد الطويلة: بقول أن جوزيه مش جاي يغير كرة القدم المصرية، لأ ده جاي يجهز 100 أو 200 لاعب يكونوا جاهزين للإحتراف.

- جوزيه: لا يجب أن ننسى تفصيلة معينة، أن شغلي سيستمر مع اللاعبين حتى 14 سنة.

- جوزيه: الترسانة أظهر أبو تريكة وبعد سنة ونص أعتبروه أفضل لاعب في مصر، بتمنى الاقي شبيه لأبو تريكة، وكل ولد في مصر بيتمنى أنه يلعب في الأهلي أو الزمالك.

- جوزيه: ميسي راح برشلونة وهو عنده 12 سنة زي ما أنتم عارفين، وكان عنده مشكلة أنه قصير وبعد سنتين طول 13 أو 14 سم وفضل قصير.

-جوزيه: في حاجة مهمة، في مصر هناك شيء ليس موجودًا بالعالم كله، وهي أن الأطفال المصريين يقدروا يلعبوا في الشارع.

- جوزيه: انهاردة في رأيي المتواضع أن الهلاقة بين اللاعب والكرة قصيرة جدا، اللاعب الموهوب اللي يقدر يعمل الفارق مهم جدا وهنحاول نكتشفه.





موقع بطولات