مسلم يضحي بنفسه لينقذ مجموعة من المسيحيين من عمل ارهابي
مدرس كيني مسلم اسمه "صلاح فرح" عنده 34 سنة، قرر انه يضحي بنفسه و يموت عشان ينقذ مجموعة من المسيحيين من عمل ارهابي في كينيا.
كان فيه اتوبيس فيه مجموعة من المسيحيين و المسلمين، و تم اعتراضه و توقيفه من مجموعة من المتطرفين (المشتبه فيهم مجموعة "الشباب" من الصومال) لما وقفوا الاتوبيس قالوا للناس يتقسموا فريقين، المسلمين يقفوا في ناحية و المسيحيين في ناحية . ساعتها صلاح هو و المجموعة اللي معاه نزلوا واجهوا المسلحين و قال:" يا نموت كلنا مع بعض يا تسيبونا كلنا عايشين"، و الستات المسلمات في منهم خلعوا الحجاب و ادوه للمسيحيات عشان الارهابيين يفتكروهم مسلمين و مايموتوش. لما نزل صلاح يتكلم مع الارهابيين اخد كذا رصاصه في دراعه و فخده و اتنقل للمستشفى و مات هناك.
قبل ما يموت قال كدة: " الناس المفروض تتعلم تعيش بسلام مع بعض. احنا اخوات، و الدين هو الفرق الوحيد مابيننا، عشان كدة انا بطلب من اخواتي المسلمين انهم ياخدوا بالهم من المسيحيين عشان المسيحيين بدورهم ياخدوا بالهم مننا..و اننا كلنا نساعد بعض عشان نقدر نعيش بسلام"
03 - 09 - 2016, 02:14 PM
رد: مسلم يضحي بنفسه لينقذ مجموعة من المسيحيين من عمل ارهابي
العرض المتطور