سعات من كتر الغلط اللي بغلطه بكون مكسوف اني اصلي لربنا او حتي اني ارفع عيني للسماء وأتكلم معاه ...
وبكل بساطه بقول طيب هقولك ايه !
اصلي مليش عين حتي اني أتكلم معاك واطلب منك حاجه وانا عملت كل الحاجات اللي مش بترضيك ..
لكن الحاجه اللي بطمن قلبي شويه انه عارف كل حاجه انا حاسس بيها عارف اني جاي ليه مكسوف ندمان مدايق من كل شي غلط عملته
فبكسر سكوتي ليه وأقوله يارب ترجم كل مشاعر جوايا ساكته فك انت عقده لساني وخليني انطق ليك وأحكي معاك بجد عن كل اللي تاعبني
ولما أتكلم معاه ألقي دموعي بتسبق الكلام اللي محتاج أقوله ...
( دوس علي كل شي مانعك ف انك تحكي مع ربنا أتكلم معاه فضفض عن كل اللي تاعبك علشان ترتاح قوله انا مش قادر ارفع ليك صوتي من كتر غلطاتي ساعدني اكلمك بجد واحكيلك )
ربنا بس هو اللي يقدر يترجم كل مشاعر جواك ....
