علي فكرة العيال بتتعلم الحنية زي ما بتتعلم اي حاجة تانية...
طبطبي علي ابنك لما يزعل هيطبطب عليكي لما تزعلي...
قدري مشاعره وهو غضبان و متنرفز هو كمان مش هيزود عليكي و انتي متنرفزة....
اهتمي باحتياجاته و ساعديه في مهامه البسيطة ...هيساعدك و هيتقبل سؤالك للمساعدة بصدر رحب...
قوليله هات حضن و بوسة و فهميه ان حضنه مهم ليكي وانه اهم و احلي حاجة في الدنيا....
احضنيه لما يعيط و فهميه انك حاسة بيه بلاش تقولي هسيبه يتفلق ولا دة بيمثل...
عشان لما يكبر و يسيبك تتفلقي متستغربيش بقي ..ماشي؟؟؟؟
العيل اللي مشفش حنية هيبقي ابن جاحد او صديق ندل او زوج ممل....
او هيبقي مهزوز و ضعيف ...
الحنية بتفرق...بتفرق اوي... و هي صفة تكتسب ولا تستحدث من عدم....
