انا فى حاله إحباط....

walaa farouk · رقم المشاركة : ( 1 ) 15 - 08 - 2016, 11:01 PM

أنا فى حالة إحباط..كل شخص بتيجى عليه فترة من الزمن بيقول الكلمة دة خلينا الاول نعرف اية هو الإحباط ولية بنحس بكده...

الإحباط هو توقعات زيادة فى حين الواقع مختلف .
الإحباط هو ثقة فى أشخاص ميستحقوش ثقتنا .
الإحباط حلم فى تغير شريك حياتى فى نقاط معينه فى حين انى عارفه قبل ما ارتبط بيه انه موجودة.
الإحباط فى احتياج كل شئ يكون افضل على أعلى المستويات وانا طاقتي لا تسمح باكتر من كده ..

ساعات إحباط فى خدمة وفى قادة او حتى أولادنا ..

انت مش سوبر مان علشان تحقيقى كل المعادلة الصعبة والمعقدة دى لانى ببساطة مفيش حد كامل ولا فى حد بياخد كل حاجة..ولا فى حد فى يوم وليلة بيغير واقع ومجتمع واشخاص ومشاعر..فى لحظة من الزمن كل حاجة بتاخد وقت وكمان ينفع اقبل انى اعمل كل حاجة ومش مهم ومش لازم تكون افضل حاجة يعنى ينفع اقبل انى ابنى مش متفوق ينفع اقبل جوزى مش كامل ينفع اقبل نفسى انى بقصر كتير مع نفسى ومع اللى حوالي بلاش نضغط نفسينا ونفضل عايشين فى توتر وخوف وقلق وعدم رضا..وساعات غيرة من حياة ناس تانى
اقبل انك عايش فى بيت مش كبير ولا مع احسن عائلة واقبل كمان بيتك ده لانى صدقنى هتتوحش البيت ده وهتحس انى ليك كم ذكريات رهيب وتقعد بعد كده وتتمنى انه ترجع ..انتى عارفة وانت كمان ..انى ربنا اكبر مثلا على انه قبلنا واحنا مش احسن ناس ومش احسن مؤمنين ولا احسن خدام ومع ذلك فرحان ومستمتع بينا..الإحباط صعب اوى وبيوجع كمان..

علشان كده قرر انك تعيش سعيد واقبل وسيب ربنا يرسم ليك حياتك لانه عنده خطة عظيمة جدا .. تحياتى ليكم