لو انت راكب عربية و المارش مثلا باظ و العربية عطلت هتعمل ايه ؟؟
هتجيب ناس تزق معاك العربية و اثناء ما العربية بتمشي هتشغلها تاني هتلاقيها دارت و زي الفل ..
لو حاسس ان علاقتك بربنا شبه واقفه و مشاعرك مع ربنا شبه باردة خالص و الدنيا عطلانه متقلقش .. الموضوع عايز زقة ..
انزل زق نفسك بأجتماع حلو .. زق نفسك بترنيمة تكون بتحبها .. زق نفسك بقداس بس متنامش فيه .. لا .. ركز في الكلام و في الصلاه و غمض عينك اثناء القداس و احكي مع ربنا .. زق بقعده مع حد يحببك في ربنا من تاني .. زق بقراية حاجة مفيده يكون اللي كاتبها اسلوبه سهل و دماغه حلوة .. زق بخدمة .. زق بوقفة صلاه و لو لمدة 10 دقايق بس تكون من قلبك.. زق .. زق.. صدقني هتلاقي العربية دارت و المشاعر رجعت اشتغلت و ربنا بدأ يشغل جزء من تفكيرنا .. و هتلاقي الدنيا ماشية
11 - 08 - 2016, 11:04 AM
العرض الشجري