يا ابني أعطني قلبك و تلاحظ عيناك طرقي.أمثال 26:23
واحد عنده محل علي قده مفهوش بضاعه كتير والمحل كمان قديم من جوه .. بس لان مكنش فيه غيره في منطقته كانت الناس بتضطر اوقات تروحله وتتعامل معاه
وبعد فترة من الزمن اتفتح جنب منه مجموعة محلات جديده وفيها بضاعه كتير
صاحبنا حس ان بيته اتخرب بسبب الموضوع ده
فعمل حيلة غريبة اوي
جدد شكل المحل من بره
عمل الواجهه بتاعته كلها رخام وكتب لوحه مضيئة عليها اسم المحل
طبعا رجعت الناس تتعامل معاه تاني .. لكن اول مادخلت جوه وشافت شكل المحل وقلة البضاعه اللي فيه مبقتش تروحله تاني
جري الراجل علي شيخ عجوز ياخد رائيه ويشوف يعمل ايه
ولما حكاله علي الموضوع من اوله لاخره
ضحك الشيخ وقاله
الفلوس اللي صرفتها علي الديكور الخارجي للمحل كنت ممكن تشتري بيها بضاعه افضلك
متقلدش حد .. ومتهتمش بالمظهر الخارجي
لان الناس يهمها ان مصلحتها تتقضي لما تجيلك .. وميهمهاش سواد عينيك
للاسف كتير مننا كده وانا اولكم
نسعي اننا نجمل شكلنا ومظهرنا قدام الناس واحنا من جوانا سواد
لو مبنصمش اربع وجمعه وطلعنا مؤتمر واليومين دول كانوا احدى ايامه .. نصومهم عشان المنظر العام
لو مبنصليش قبل الاكل وقعدنا في عزومة .. نصلي عشان المظهر العام .. وامثلة تانيه كتير
عايز تجدد شكلك الخارجي جدد .. بس لازم تتأكد من حاجه مهمة
ان ربنا يهمه البضاعه ميهموش شكل المحل ...امين..
