#‏هل_تعلم‬

[بنتك انا]

#‏هل_تعلم‬ ان من أول علامات التغيير ف حياة البنت .. قص شعرها !
#هل_تعلم ان سكوت البنت مش دايمآ بيكون علامة رضا .. ساعات بيكون علامة ألم !
‫ ‬ #‏هل_تعلم‬ ان البنت عندها قدره عجيبه انها تضحك وتهزر وتبان قصاد الناس مبسوطه .. مع انها ممكن تكون بتنام _يوميآ_معيطه !
#هل_تعلم ان اكتر احساس ممكن يأذي واحده .. ان الناس تشوفها من بره وبس .. مجرد جسم من غير روح !
#هل_تعلم ان البنت ممكن تكون بتموت م الوجع ومتحكيش ..
#هل_تعلم ان الأب بالنسبه للبنت هو مصدر الأمان الاول .. و لذلك لما بتعشق حبيبها بتقوله يا بابا !
#هل_تعلم ان البنت مهما كبرت واحلوت وبركان انوثتها انفجر .. لسه من جواها طفله بتفرح بالكلمه الحلوه وبتطمن بالطبطبه !
#هل_تعلم ان البنت مش هتحبك غير لو طمنتها .. ومش هتطمن معاك غير لو كانت بتحبك !
#هل_تعلم ان البنت بالنسبالها كلمة : بحبك .. ووحشتيني .. اغلي واحلي من كل كنوز الدنيا !
#هل_تعلم ان الاهتمام هو كلمة السر الوحيده .. اللي ممكن تدخل بيها قلب حبيبتك !
#هل_تعلم ان اقصي احلام البنات ف مجتماعتنا العظيمه .. انها تمشي ف الشارع براحتها !
#هل_تعلم ان البنت الخايفه من الارتباط والحب .. اكتر كائن ف الدنيا نفسه يحب ويتحب .. لكن استحاله تقبل وترضي ب حب مش هيكفي قلبها .. وحدوته أخرها جرح !
#هل_تعلم ان طبيعة البنت اللي ربنا خلقها بيها .. بتخليها بتحب دايمآ تاخد بالها من نفسها وشكلها ولبسها وجسمها .. علشان تبسط روحها .. مش علشان تلفت نظر حضرتك !
#هل_تعلم ان مفيش حاجه اسمها بنت شمال .. في حاجه اسمها ( انسان ) .. ومحدش معصوم م الخطأ .. وكل واحد مسؤول عن تصرفاته !
#هل_تعلم ان البنت كائن حي .. من حقه يختار شكل حياته واحلامه من غير ما حد يفرضها عليه .. من حقه يختار الحياه اللي بيحلم بيها .. من حقه يكونله دور ف المجتمع اللي موجود فيه .. من حقه يحب ويتحب و يلاقي السند والضهر .. من حقه يعيش ! <3

"مينا مجدي"

[walaa farouk]

ميرسي على مشاركتك الجميلة راندا

[بنتك انا]

ميرسى ياولاء لمرورك ربنا يباركك

[Mary Naeem]

‏هل_تعلم‬ ان البنت عندها قدره عجيبه انها تضحك وتهزر وتبان قصاد الناس مبسوطه .. مع انها ممكن تكون بتنام _يوميآ_معيطه !
دي الحقيقة يا دودو
موضوع مميز

[Rena Jesus]

هل_تعلم ان طبيعة البنت اللي ربنا خلقها بيها .. بتخليها بتحب دايمآ تاخد بالها من نفسها وشكلها ولبسها وجسمها .. علشان تبسط روحها .. مش علشان تلفت نظر حضرتك !

فعلا كلامك كله حقيقه
موضوع راااااااااااااااائع

[بنتك انا]

ميرسى يامارى ويارينا لمروركم ربنا يباركم

[nasser]

موضوع رائع جداً يا راندا
ربنا يبارك خدمتك الجميلة

[sama smsma]

حلو اوى يا رورو

[بنتك انا]

ميرسى يااخ ناصر
وياسمسمة
لمروركم ربنا يباركم

[مورا مرمر]

موضوع روووعة
ميرسى على مشاركتك المتميزة