ايوا انا فاكر

[walaa farouk]

الشيطان : فاكر كنت بتعمل إيه ؟
النفس البشرية :كل شوية تقولي فاكر ايوا فاكر ايه ؟!
الشقاء والعناء والألم والمرارة اللي كنتم عايش فيهم زمان قبل ما اعيش ويملك مسيحي علي كل الكيان.
انا دلوقت متحرر وحساس بالامان والفرح والاطمنئنان.
الشيطان : انت كنت فعلا حر زمان لكن دلوقت قيدت نفسك بقيود كتير باب ضيق ووصية ودوال عليك حمل تقيل .
النفس البشرية: اسكت وابكم دا انا حريتي في عبوديتي لحبيبي اللي فاداني علي الصليب لحبيبي اللي سباني وعمل فيا تغيير
مين قالك ان الباب ضيق والوصية ثقيله دا حبيبي حمله هين وخفيف ووصاياه حلوة جميله بتشفي القلب العليل .
الشيطان : طيب فاكر زمان كنت دائما تسمع الكلام كنت مرتاح البال ومكبر الدماغ تعمل كل اللي عايزه ولا يهمك اي حد ينصحك عايش بس لنفسك وللزمان ،انت وبعدك الطوفان.
النفس البشرية : طبعا فاكر ايامي المرة طبعا فاكر أيامي الصعبه اللي كنت فيها عبد ليك بسمع كلامك المميت انا كنت متخدر وربنا فوقني بحب كبير ،ايوا انا كنت مكبر عايش بس لنفسي ،بس خلاص يسوع زارني جدد قلبي غير ذهني ،انا عارف انا كنت أصعب من موسي وواوغسطين ومريم دا مين داكنت اصعب من رائيس العشارين بس حبيبي غيرني جدد قلبي وذهني خد حياتي واعطاني حياته واصبحت ابن مش راعي خنازير.
الشيطان : انا بحبك همي مصلحتك انت عارف اني دائما كنت بساعدك تعمل رغباتك واللي في نفسك.
النفس البشرية : انت حبك مزيف حبك حب ملوث بياخدني من الطهارة ويحدفني في بئر القذراة.
بياخدني من الطاعة ويقودني الي العناد وحب النفس والذات.
بياخدني من الوداعة ويعلمني القساوة والعنف والجفاء.
بياخدني من الايمان ويخليني اعيش حالة الحاد
ما انا لم ببعد عن حبيبي برفض وجوده وانكره ومش بعمل ليه اي حساب.
بياخدني من الرحمة والشفقة ويخليني اجرح في قلوب الناس.
بياخدني من الفرح الحقيقي ويخليني اعيش في الشهوات.
انت حبك حب مزيف ،حبك حب ملوث
بيجرفني بعيد عن حضنه وياخدني في اللذات ويغرقني بدون رحمة في الوحل والشهوات
انت بتلوث ثوبي اللي طهره ابويا بدمه المسفوك علي الصليب بكل الجراحات.
ابعد عني انا مش بتاعك انا ملك لملك الملوك اللي فاداني وسفك دمه علشاني ومح كل اثامي.
مش هسمحلك تلوث نفسي اوحتي تملك قلبي اوتفتكر تقرب من فكري فيه واحد مالك عليهم القلب كله ليه والعقل مش بيفكر غير فيه والجسد هيكل ليه.
أبعد ان مت عنك والنهاردة اتولدت بين ايديه،مت عن العالم وخلاص همسك فيه...

[مورا مرمر]

ابعد عني انا مش بتاعك انا ملك لملك الملوك اللي فاداني وسفك دمه علشاني ومح كل اثامي.

روووووووووووووووووعة
ربنا يفرح قلبك
ويبعد عنك عدو الخير

[walaa farouk]

ميرسي مورا على مرورك الغالى

[Mary Naeem]

شكرا يا قمر
حوار بين الشيطان والنفس البشرية