*ضاقت الدنيا قصادي واتقفلت الابواب
لكن انت يا رب فاتح ليا اعظم باب
انا نفسي اقرب ليك تشدني بايديك
تفتحلي عنيه اتقوي يا رب بيك
*يوسف لما خدوه اخواته من ابوه
انت يا رب ما سبتوش بعد ما راحوا وبعوه
*دانيال كان موجود جوه جب الاسود
وانت يا رب الي حميته حبك فاق الحدود
*الخاطيه لما جاتلك بدموعها غسلت رجليك
مهانيتش يا رب عليك فتحتلها قلبك
*زي اللص اليمين وهوه علي الصليب
فتحت يا رب بابك بحبك العجيب
*وكمان ابونا سمعان قديس هذا المكان
ياما اتعذب واتهان ونال وعد الديان
*انت يا رب الحياه ومعاك طوق النجاه
ابنك لو منك تاه ابدا مش راح تنساه
