فنانين على السقالات

[walaa farouk]

🍀مرة كان فيه 2 فنانين بيرسموا فى القبة بتاعة كاتدرائية القديس بولس تقريبا فى لندن
وكانوا طبعا واقفين على سقالات عالية اوى علشان توصلهم للقبة
فكان واحد منهم مُعجب أوى برسمه ومبهور بيه فكان كل ما يرسم جزء يرجع ورا علشان يشوف الرسمة من على بُعد فيبان جمالها اكتر .
وكان كل شوية يرجع لورا،، يرجع لورا علشان يبص على الرسمة لحد ما بقى خلاص على أخر السقالة مافاضلش منها إلا تقريباً شبرين بس
زميله اللى قريب منه على سقالة تانية متصلة بيه شاف الوضع ده فأرتعب لأن زميله على حافة الهاوية ففكر كده وقال أنا لو ناديت عليه ممكن يتخض ويقع ولو سبته برضو هايفضل يرجع ويقع،،،
فعلى طول ربنا ارشده . فراح للرسمة بتاعة زميله ومسك فرشة الألوان وشخبط على جزء من اللى رسمه
وعندما رأى زميله اللى عمله ده طلع لقدام وجرى عليه وقاله ايه اللى انت عملته دا !!!
- قاله انا عملت كده علشان انقذ حياتك . قاله ازاى يعنى . فقاله انت من كتر انشغالك بالرسمة بتاعتك فضلت ترجع لورا ترجع لورا لحد ما بقيت على حافة السقالة ولو انا سبتك كنت هاتقع من العلو المخيف ده ولو صرخت وحذرتك كنت برضو هاتتخض وتقع ..علشان كده انا لما لخبطلك الرسمة بتاعتك انت طلعت لقدام وبقيت فى امان،،،
🌲فأنحنى هذا الشخص لزميلة ليقبل رجليه علشان انقذ حياته
-----------------------
🌹الانسان أحيانا بينشغل فى الحياة بمال او بشهوة او بشخص
وتوصل درجة الانشغال دى بأنه ينسى خلاص نفس ونتيجة ده انه يرجع لورا يرجع لورا لحد ما يبقى على حافة الهاوية
- لكن ربنا من محبته ليه ياخد منه الانشغال ده والانسان يزعل ويقول ليييييه يارب عملت كده ليه خسرتنى.. ليه أخدت منى فلان ....ليه ضيعتلى متعتى
فربنا يقوله يا حبيبى انت بسبب الحاجة دى كنت هاتهلك فأنا عملت كده علشان تنتبه شوية
لخلاص نفسك ..

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى