محمد عطية يدافع عن نجم إعلان مجدي يعقوب هشام جمال
دافع الفنان محمد عطية عن المطرب والمنتج هشام جمال، الذي تعرض لهجوم علي مواقع السوشيال ميديا بعد ظهوره بإعلان مجدي يعقوب. وقال عطية عبر حسابه الرسمي بموقع التواصل الاجتماعي فيس بوك "صباح الخير يا جماعة .. ( هشام جمال ) الشاب اللي طالع فى إعلان دكتور مجدي يعقوب .. أولا أنا لا أعرفه و لا عمري شفته قبل كده و ما عرفتش اسمه غير النهاردة لما لقيت التايم لاين كله بيتريق عليه... ليه يا جماعة التجريح؟؟ ليه الإهانة و الهجوم بالمنظر ده؟؟ لو مش عاجبك أي شئ ممكن تقول عادي.. ممكن تقول صوته وحش لبسه وحش قول اللي إنت عاوزه ده ذوقك و إنت حر". وأكد عطية في حديثه "بس ليه محاولات التحطيم المعنوي بالمنظر الفج ده .. أنا بتكلم عشان أنا ليا تجارب كتير فى الموضوع ده خصوصا بعد إحتكاكي بالسياسة و موقفي.. أنا خلاص إتعودت ولو ماكنتش مختار الطريق ده بمزاجي و عارف عواقبه كنت ممكن أتدمر نفسيا .. أرجوكم بالراحة علي الواد .. علي فكرة البوست مش القصد منه التحكم في أسلوب حد أو الحجر علي رأي حد انا ماعنديش مشكلة في اي حاجة .. البوست رجاء مش أكتر .. التجريح جزء من اللي حاجات الي بيتعرض ليها اي حد بيكون مشهور ... بس أنا عاوزكم تحطوا نفسكم مكانه .. الشاب لسه بيقول يا هادي .. الرحمة يا جماعة .. برة بيقفوا جنب أنصاف المواهب لحد مايعملوا منهم نجوم و إحنا بنبقي قاعدين مستنين الغلط لأي حد عشان نحطمه .. الرفق يا بشر ".
هذا الخبر منقول من : دوت مصر
14 - 06 - 2016, 01:45 PM
العرض العادي
