انت محبوب

walaa farouk · رقم المشاركة : ( 1 ) 09 - 06 - 2016, 03:23 PM

جربت قبل كدة تحس انك بتتحارب ؟
لا مش في قصدي في الشغل او بين الأصدقاء !!
قصدي انك تحس ان كل مشكلة بتحصل حواليك تلاقي أفكار لوم لربنا بعدها..
او تفكر ان ربنا سابك !
او بطل يحبك !!
او انك وحش و متستاهلش حب ربنا ليك ..

خلى بالك و خليك ناصح
متقعش في الفخ
انت محبوب ( لان الرب إلهك احبك )
و لانه قال ( لذتي في بنى البشر )

انت مقبول حتى لو أنكرته زي بطرس او حتى لو شكيت فيه زي توما او حتى لو كنت ثقيل الفم و اللسان معاه زي موسي
انت محبوب حتى لو كنت زي اللص اليمين او حتى لو كنت زي لعازر

مهما عملت و مهما كانت مشاكلك نفسيا انت ( ابنه الحبيب ) هتصعب عليه لأنك ضال ..
هو عارف انك تحت ضعف بشري طول ما انت في الجسد
هو فاهم صراعاتك
متخافش منه

الحرب دي هو الهدف منها مش انت
بس انت إديه الفرصة يحارب عنك