اه يا يسوع...

walaa farouk · رقم المشاركة : ( 1 ) 05 - 05 - 2016, 08:46 PM

آآه يا يسوع .........
نِفسي اقولك اني يا رب كتير موجوع
حاسس ان فـ حلقي مرارة وجوايا جوع
لما بشوفك مَحني بدالي وانا الجاني
بحزن جدا وقلبي بيصرخ ليك ويئن
لما بركز نظري فـ صلبك آلاقيك بتعاني
وانا القاسي كنت تملي ليك ما بَحِن
نَفسي بتحزن اوي وبحِس برعشة موت
وأسال حالي.......؟!
ازاي ربي ياخد ذنبي وانا موجود
ازاي هو الحمل الطاهر يشيل خطايايا
وانا اتهني بالحريه مع اني تراب هياكلني الدود
لكن صوتك دايما كان بيرد عليا
واسمع كلمة انا حبيتك ..اسمك ناقشه فـ كف ايديا
فجأه بلاقي نار أحزاني صَبحت نور
والقي صلاتي صعدت ليك وريحتها بخور
آآه يا يسوع ......
انت مُخلص نفسي وروحي
وانا بصليبك علي ضعفاتى هفضل اثور

Mary Naeem · 06 - 05 - 2016, 01:35 PM

مشاركة جميلة جدا

ربنا يبارك حياتك

walaa farouk · 07 - 05 - 2016, 09:58 AM

ميرسي على مرورك الجميل مارى