الانبا كاراس اقتحم حياتنا

[بنت معلم الاجيال]

بداية المعجزة بأن الانبا كاراس هو اللى اتعرف عليه انا وجوزى وده كان لما بدانا موضوع الارتباط كان فى شوية مشاكل من قبل الاهل وبصراحة كنت باقول يارب اقف معانا القى ربنا بعتلى الانبا كاراس ومش بس انا وكمان جوزى اللى كان ساعتها خطيبى كان يكلمنى ويقولى الانبا كاراس جالى اقوله وانا كمان وكان بيجى مرة فى صورة مرة على الفيس بوك مرة فى ان يتذكر اسمه امامنا وهكذا وفعلا اتعلقنا بيه اوى لدرجة ان من كثر المشاكل اللى كل شوية يحلها خطيبى قرر انه يسمى ابننا كاراس والمعجزة اللى لمسناه اوى معاه اننا قبل الجواز كنا محتاجين لقرض وعملنا اجراءات الورق اكتر من 3 مرات ولكن البنك كل شوية يطلع حجة لدرجة انى يأست واخر مرة خطيبى لقى مندوب من البنك بيكلمه وبيطلب منه الورق تانى وكان لازم المرتب يزيد شوية عشان باقى الاجراءات فاتصل خطيبى بمدير الشركة وشرحه له الظروف وعشان الانبا كاراس يثبت وجوده وافق المدير على الزيادة الفورية لاستكمال الاجراءات وقررنا ان عشور القرض لحبيبنا الانبا كاراس العظيم
صدقونى ياجماعة انا اول ما اقول يارب عشان خاطر الانبا كاراس باحس ان السماء استجابت فورا وبدون اى مقدمات هو فعلا اقتحم حياتنا وانا بكل ثقة باقول انا فخورة جدا ياانبا كاراس لو شرفتنى بابن يحمل اسمك العظيم وربنا يدينا ونجى كنيستك عن قريب
ياريت بجد كلكم تطلبوه زى انا وجوزى