|
 |
 |
 |
|
رقم المشاركة : ( 1 )
26 - 04 - 2016, 04:32 PM
|
|||||||||||
|
|||||||||||
|
«خالد علي» يكشف حقيقة عدم مشاركته في «تظاهرات 25 أبريل»  بعد أن التهبت مواقع التواصل الاجتماعي، بعدم مشاركة حمدين صباحي، وخالد علي، مرشحي الرئاسة السابقين في تظاهرات 25 أبريل، رغم دعواتهما للشباب إلى النزول للاحتجاج على قرار ترسيم الحدود بين مصر والسعودية، وحصول السعودية علي جزيرتي «تيران وصنافير»، خرج خالد علي الناشط السياسي، والمرشح الرئاسي السابق ينفي عدم مشاركته، ويشرح محاولاته في المشاركه في التظاهر على حسابة بـ«فيس بوك»، حيث كتب يقول: «على الرغم من إن الواحد يشعر بالحرج في أن يتكلم في هذا الموضوع، وهناك مئات الشباب والشابات مقبوض عليهم.. ومش قادرين نحصر العدد الحقيقي، خاصة إن فيه ناس محتجزة في معسكرات الأمن، والأقسام حتى الآن مش بتقول معلومات كاملة عن المحتجزين لديها، والنيابات غالبا هتتنقل تحقق مع الشباب في الأقسام والمعسكرات». «لكن من إمبارح، بيتشير بوستات، إني منزلتش المظاهرات، واللي خلاني أكتب البوست دا مش عشان أقول نزلت ولا منزلتش، لكن اللي خلاني، أكتبه هي محاولات البعض، لإشاعة حالة من الإحباط اليوم، وإفقاد الناس والشباب الثقة في كل شيء حولها سواء من مجموعات سياسية أو أشخاص». «كان المتفق إني أروح لتجمع هيتكون، أمام نقابة المهندسين، وبعدها نتحرك في تظاهرة لنقابة الصحفيين، ونتيجة إغلاق عدد، من الطرق بفعل كمائن الأمن والبلطجية، نزلت من التاكسي أنا وزياد العليمي، عند تقاطع طلعت حرب مع ٢٦ يوليو، واتحركنا في شارع عرابي للوصول لنقابة المهندسين، وطبعًا كلكم شايفين، شكل اليوم، والمخبرين المترشقين في كل حتة، وطلبت من زياد يمشي خلفي عشان لو عايزين يبقضوا عليا يقدر هو يتحرك ويروح للتظاهرة والعكس صحيح؛ لأن اتفاقنا إنه مهما حصل لازم نضم على التظاهرة، وأنا ماشي في الشارع شاهدت علاء كمال، قاعد على قهوة ليالينا، وشاهدت على نفس المقهى مجموعة أخرى أعرفها من المنصورة، ولما ابتسموا ليا ومندهوش عليا تجاهلت السلام عليهم.. عشان تأمينهم لأن المخبرين كانوا مترشقين في الشارع وبالقرب من القهوة، وكملت في طريقي لنقابة المهندسين وقبل ما أصل لمحل التابعي الدمياطي تقابلت على رصيف الشارع مع محمد العجمي قيادي كفاية بالقليوبية، وكان بالقرب منه مجموعة من شباب بنها واضح إنهم كانوا ماشيين فرادى وعلى جانبي الطريق عشان تأمينهم، ومحمد قالي كل المداخل لنقابة الصحفيين متقفلة وبيقبضوا عشوائي على الشباب في الشارع، والشباب بيحاولوا يتجمعوا في حتة تانية». «لما قربت من نقابة المهندسين، وصلني اتصال بأن تجمع النقابة، اتلغى، والناس طلعت على الدقي بس الأمن وصل وبيفضها، وبعدها وصلنا اتصال من علاء كمال، إن الأمن وصل القهوة وطلب من الناس كلها تمشى منها». «بدأت الاتصال بمجموعات أخرى عشان نشوف أتحرك ليهم على فين بعد ما تظاهرات ناهيا والدقي اتفرقوا، فانتظرت رفقة إحدى المجموعات، وتم التواصل مع مجموعات أخرى وعلمنا بتحرك تظاهرة بشارع السودان واتفقت معهم على الانضمام ليهم، لكن بعد ثلاث دقائق انتشرت على النت أخبار فضها فاتصلت بالمجموعة وتأكدت من صدق خبر الفض، ودا غير محاولات أخرى». «وطبعاً في حاجات كتيرة تنظيمية وللحفاظ على أمان تلك المجموعات وأشخاصها مش هذكرها هنا، وكل مجموعة هي صاحبة الحق فى ذكر التفاصيل من عدمه». «ومع كل دا بدأت تطلع أخبار حصار (حزب الكرامة) وبدأت الأخبار تتواتر، ما بين إن الحصار تم فضه تارة، وبين إن الحصار مستمر بس من مداخل الشوارع، وبدأت أتصل بالشباب اللي موجودين بالكرامة زي عمرو إمام، وبحر.. إلخ، واتأكدنا إن الحصار لم يتم فضه، وأن الشرطة واقفة فى الشارع ومشترطة إنهم يسلموهم عدد من الشباب، فبلغتهم إني هضم عليهم في الكرامة». «وتواصلت مع طارق نجيدة، محامي التيار الشعبي، وزياد العليمى بعدها عرف يوصل لحمدين، واداني التليفون، وكلمت حمدين، وقلت ليه أنا وزياد في الطريق لحزب الكرامة قالي أنا في المكان الفلاني عدى عليا هتحرك معاكوا على هناك، وكلمت أكرم اسماعيل كان واقف فى الشارع بجوار الكرامة، وكذا بحر وطارق نجيدة داخل الكرامة بلغتهم إني هعدى على حمدين أجيبه، ونضم على الشباب في الكرامة، وبالفعل وصلنا أنا وزياد لمكان حمدين لكن قبل ما ننزل من العربية طارق نجيده كلمني، وقال وصلنا لاتفاق والأمن مشي وبلاش تيجوا على الحزب واحنا بدأنا ننزل الشباب، وبعدها وصلني اتصال من حمدين بنفس المضمون، فاتحركت أنا وزياد من غير ما نشوف حمدين عشان كان فيه حاجات تانية لازم نعملها، ومن ضمنها اتابع مع زمايلي المحامين إجراءات المحاضر والتحقيق». «مرة تانية.. أنا شاعر بالخجل، إني أكتب الكلام دا في الوقت دا. وبأكد أنا كتبت البوست مش عشان أقول نزلت أو مانزلتش لكن عشان أوضح الصورة وأحكي جزء من اللى حصل فى هذا اليوم». «أما عن اليوم وإيجابياته وسلبياته ممكن يتكتب عنه بوست آخر غير دا، وخاصة الأداء البطولى للشباب والشابات وكمان المحامين اللي تقريبا شغالين من يوم ١٩ تحت ضغط رهيب وكتير من الناس ممكن ميكونش شايف مجهودهم». هذا الخبر منقول من : الوفد 
|
 |
|
العرض العادي
