+ احكي لي يا سامرية عن مقابلة المسيا. ....
ايه الحكاية دية ؟
- الناس كانت رايحة وجاية..
عند الظهر مشيت ولا يدري حد بيا.. ما انا اصلي مستخبية...
سيرتي ردية ...
لكن محتاجة المية..
اخدت الجرة وبسرعة جريت ع البير و رحت معدية..
بعيد عن اتباع اليهودية..
ماهو اصلي انا سامرية....
هايقولوا عليا كلام ويرموا حجر ورا حجر بدل الواحد مية...
وعلي ايه الحيرة دية...
الاحسن ساعة الضهرية...
وفجأة لقيت قدامي مسيا...
قاعد فوق البير جنب المية...
قالي ازيك يا صبية...
تعالي اديني مية..
قلت ازاي كدة مش واخد بالك يا عينيا !!!
دا انت يهودي وانا سامرية ...
قالي هي دي مية ديا...
دي المية الحلوة عنديا...
تروي وتحيي كل البشرية...
انتي حياتك عني مش مستخبية... انا كاشف القلوب وفاحص النية... رميت الجرة ورحت في حضنه مرمية...
هي دي الحنية ولا ادانة ولا خبطة بحجرة مرمية...
رحت ابشر بإله غافر اثام و فاحص الافكار وعالم بالنية...
تعالوا انظروا ذوقوا و آمنوا انسان عارف الغيب وفاحص الكلية.... هللت بقلبي وشفتيا
اسبح وارنم للمسيا
الهي حبيبي فادي البشرية
انا انا السامرية.......
