نظرتي للصوره دي مش نظره عاديه ده غير معني الايه الجميل والعميق
لو بصيتوا فيها هتلاقي سلم ومفيش حد فينا بيطلع سلالم الا ولازم يبذل مجهود
علشان يوصل للمكان اللي هو عاوزه
واكيد كل حد فينا عنده شهوة انه يكون في الملكوت مع الرب يسوع
بس لازم نعرف ان الحياة مع المسيح مش سهله لكن حلاوتها وطعمها اجمل من الشهد
وملكوت الله لازم نوصله بالجهاد ضد الخطيه والحياة في رضا الله وان نحفظ الوديعه
ونعيش كما يحق للانجيل
كل واحد فينا ربنا جعل جوه قلبه الابديه حتي لو كان انسان بيخطي بس جواه مشحون صلاح وشوق للسما ...كتير تلاقي ناس بتغلط بس جواها تأنيب ضمير "الروح القدس" بيشتغل جواهم
اما اللي بيغلط وبيعمل الخطيه ببجاحه ومش خايف من لقاء الرب فده انسان طفي روح الله بداخله
وسكن ابليس مكان المسيح ..
فلو عايزين نوصل للسما لازم نطلع السلم درجه درجه وواحده واحده ممكن نتزحلق في احدي الدرجات لكن مش مهم ربنا هيساعدنا نقوم ونطلع تاني بس نحاول
مجرد محاولتنا اننا نوصل لربنا يسوع المسيح دي في حد ذاتها ليها قيمه واهميه عنده
"لانه لا يضيع كأس ماء بارد"
