شاركنا برأيك ..أنا في ورطة ومن حسن نيتي مش ماسك عليه ورق ..اعمل إيه ؟
انا تجربتى بدات بعد ما تعرفت على شخص عن طريق الصدفه هو شخص ثرى جدا مليونير بمعنى الكلمه اتعرفت عليه وصارت صداقه قويه مع بعض وفى يوم من اﻻيام احتجت مبلغ معين هو كبير شويه وهو من غير ما اطلب منه قالى انا ممكن ادفعهولك بس تواعدنى ترده امتى قلت له بعد عشره ايام خاصه واننى كنت عارف انى اقدر ادبره فى الموعد ده المهم بعد اسبوع رديت له المبلغ كامل وبعد فتره قالى انه هو هيشترى قطعه ارض ومحتاجنى معاه شريك انا درست الموضوع لقيته مربح جدا وافقت ودفعت معاه نصف المبلغ ومرت اﻻيام وجه بعد سنه وقالى انه بيمر بظروف صعبه ومحتاج انه يبيع اﻻرض وانه محتاج كل المبلغ يعنى فلوسه وفلوسى انا لم اتردد انى اساعده خاصه وانه ساعدنى من قبل وبرغم من اﻻرض دى لسه قدامها مكسب كبير تانى وافقت وبعنا اﻻرض بمكسب كبير يصل لقرابه الضعف واخد هو الفلوس ووعدنى انه يرد الفلوس بعد شهر وعدى شهر واتنين وخمسه ولما طالبته قالى انه مزنوق قوى ومش معاه انا سكت وعادى خالص وما كنتش زعﻻن وبعد فتره لقيته بيبدا مشروع كبير براس مال يفوق بكتير المبلغ اﻻ لى عنده انا طالبته قالى حاضر بس مش دلوقتى المشروع اخد كل فلوسى وبعد فتره بسيطه لقيته بيغير عربيته طالبته ﻻنى كنت محتاج الفلوس ضرورى قالى ما لكش عندى حاجه انا بالعربى كلتك بدون اى اسباب وروحت لاخواته وقرايبه وراحو له قالهم ما لهوش عندى حاجه وفعﻻ اخد فلوسى وقبلها على نفسه وللعلم الفلوس دى شقى عمرى وانا حاليا ﻻ املك شئ ومرضيش نهائيا يعطينى شى ومع حسن النيه انا ما اخدتش عليه اى مستند يثبت حقى ومش عارف اعمل ايه ؟
