لكـل واحـد مُحبـط و تصوعبـان و ليـه طلب بقاله كتير عند ربنا و كل شوية يجيله ت فين ربنـا ؟

[بنتك انا]

لكـل واحـد مُحبـط و تعبـان و ليـه طلب بقاله كتير عند ربنا و كل شوية يجيله صوت فين ربنـا ؟
أوعى تقـول مفيـش فايدة مراقبـة الرب معناها إنتظــاره
يسمعنــى إلهى أنا متأكد إنه سامع كونه سمع و لسه متحركش يبقى هو عارف بيعمل إيه هو شايف حاجة أحسن
بإيـمـان تقوله أنا بشكـرك يارب انك سامع كل كلامى مفيش كلمة وقعت منك
احنا ملناش عداوة مع بشـر أعدائى هما أفكــارى ( أفكار الشك ،أفكار اليأس ربنا نسيك ربنا مبيسمعش للى زيك ، باظت خلاص ، ملهاش حل ،)
واحد زى المخلع قاعد بقاله ٣٨ سنة بينتظر الرب و عنده رجـاء و أول ما جاله المسيح قاله انت عاوز تخف المخلع ماردش و قاله لا خلاص الحاجات دى نسيناها و افرض مشيت ماخلاص عجزنا لا أبدا قاله ده أنا مستنى حد يحس بيا ربنا يسوع قاله قوم على طول
أنتظـر الرب ، أراقب الرب ، يسمعنى إلهى ، لا تشمتى بى يا عدوتى إذا سقطت أقوم
- أنا بتحامى فى ربنـا يسـوع و أقولك سامحنـى لكن أنا مش واقف قدامك و بقولك أنا برىء أنا خاطىء و أستاهل أكتـر من اللى بيجرالى أنا أحتمل الى بيحصل كله شد زى ما تشد أجل الإستجابة زى ما تأجلها و أخبط بعصايتك زى ما انت عاوز من ناحيتى أنا أنا بقولك أنا أستاهل أنا غلطت فى حقك لكن ليا دعوة أنظر الى دعواى ارحمنى يارب اصرف غضبك عنى انصفنى من اللى ظلمنى اللى ظلمنى ده مش بشر عدو الخير هو اللى ذلنى
-الروح القدس يكسـر القلب يخلى الواحد يقـول أنا مستحمـل يـارب أعمل اللى تشـوفه أنا أستاهل و بالروح القدس يقوله أنا ليـا رجـاء فيـك تاخدلى حقى من الشيطان و تخرجنى للنور و أشوف برك
أحسن فضيلتين يمشوا مع بعض فى الفكر الأورذكسى التوبة و الإنسحاق مع الرجــاء
ليس عبد بلا خطية و لا سيد بلا غفران أنا أعك الدنيا و أنت تصلح أنت اللى خلقتنى و انت القادر و أنا حتاخد منى ايه غير قلة القيمة
أول ما العـدو يبص عليـك و يلاقيـك عندك رجـاء و بتقـول نصيبى هو الرب ربنا هو اللى حينقذنى سيُخرجنـى إلى النـور يخـزى الشيطـان
عدوتـى بتقـول أين هو الرب إلهـك ؟ يجى صوت الشيطان يقوله فيـن ربنـا بقى و أنت المشاكل عمالة تتعقد فين ربنا و أنت عمال تقوله ساعدنى ما بيساعدكش حتى تبطل خطية فين ربنـا عمال تقوله حل و مبيحلش فين ربنا تقوله انصف يارب تلاقى ظـلم بيزيد ( ده شغل العدو دى أفكار الشيطان ) إنما لازم يغطيهـا الخـزى حتدوس عليها زى الطين تحت رجليك
- لازم تيجى لحظة الوعد اللى ربنـا وعـد بيـه مهمـا إتأخـر نشوفه عيانـا بيانا و نقوله يارب صحيح إتأخرت بس طلع معـاك حـق برضـه
سـاعات نبص حوالينـا و نقـول مال الشـر بيزيـد كده ده الحكايـة عمالة تضلـم أكتـر ماتخافش ماتخافش هما يبنوا حيطان و يعمـروا إنمـا فى الأخر فى يـوم فى حسـاب
" يارب أنا مستنيك حتى لو أنا وحـش و حتى لو بتأدبنـى إنمـا حفضـل مستنيـك و مش حيأس حتسمعنـى و حشـوفـك بعينيـا و حتنـور عليـا و لو وقعـت حقـوم "
- نفسنـا يـارب نرجع كده زى شعبـك القديـم نشـوفـك واضـح ماشى قصـاد عينينا عمـود نـار و عمـود سحـاب نفسنـا نرفـع راسنـا وسـط الشعـوب و نخرج من الدنيـا دى كده حاسيـن إن إحنـا بتـوعـك إحنـا شعـب الله و حاسين بكرامة و مجد أولاد الله
يارب انت قلت ان الشيطان واقع تحت رجلينا مدينا سلطان عليه طب ماله بيزلنا ليه مالنا عمالين من خطية لخطية و الناس مش عارفة تتوب
من مثلك يارب أنت بتغفـر و مبتعـدش بتغفـر و بتنسـى بتغفر و كأنى أنا معملتـش حـاجـة خاص
متخافش يومين الغضب دول بتوع الدنيـا بس كونه يأدب هنا يشد هنا يضرب بعصاية يشد ودنـك إنمـا مش على طــول و لو غضـب يغضـب مؤقتـا من أجـل التأديب لكن لا يحفـظ إلى الأبـد غضبـه
فاللى عارف ربنـا يقـوله " أنا مش خايف حتى من غضبـك عليـا دلوقتـى لكن أنا نفسـى أقولك لا تؤدبنـى بغضبـك ارحمنـى يـارب أنـا ضعيـف ، أشفينـى يـارب عظـامـى يبُسـت "
- الـواحـد مهمـا كان مُحبـط و تعبـان وواقع يقوله بس مفيـش زيـك كل اللى انا عملته ده يتشال بجرة قلم من إيدك
أنت تزهـق من نفسـك بس ربنـا مايزهقش منـك أنت تكفر بنفسـك بس ربنـا مايكفرش بيـك أبـدا أنت تقـول مفيـش فايدة فيـا إنمـا ربنـا مايقولش كده أبدا لأنه يعـود و يرحمنـا يدوس أثامنـا
أنت يــارب أميــن جـدا مـع شعبـك مدام قلت حسامع حسامح حشيل حشيك هرعاكم يبقى هرعاكم أنت تصنـع الأمـأنـة يعنـى كُـلك أمـانـة مفيـش كلمـة قُلتـه إلا و طلعـت مظبوطـة مش لأننا كويسين فأنت أمين لا ملهاش علاقـة إحنـا غيـر أمنـاء و لكنـك أنت أميـن دائما
- الواحد يفضل إلى الأبد يقوله يـارب مفيـش زيـك مفيش أطيب من كده أبـدا

[walaa farouk]

ميرسي على مشاركتك الجميلة

[Mary Naeem]

مشاركة جميلة جدا

ربنا يبارك حياتك

[بنتك انا]

ميرسى لمروركم ربنا يباركم